[no one]

[color="rgb(72, 209, 204)"]السلام عليكم و رحمة الله و بركاته
كيف الأحوال؟ اتمنى ان تكونوا جميعا بخير و في اتم الصحة و العافية

عندي استفسار مصيري راح يحددلي كتير أمور و ارجو من أهل الخبرة و المعرفة المساعدة

،،،،

انا الان معيدة في جامعة الملك سعود و لكن طبعا مو مترسمة ،، على نظام العقود
و منتظرة رقم وظيفي في جامعة الملك عبدالعزيز ،،لي فترة موظفة في سعود و الحمد لله سفري المفترض حيكون على نهاية رمضان بإذن الله ،، على امريكا لمدة 7 سنين ماستر و دكتوراه
لكني احبذا العمل في جامعة عبد العزيز لأني بعد كدا حامسك مواد في نغس تخصصي انجليزي ،، على عكس جامعة سعود حامسك مواد اللغة الانجليزية بعد طول الدراسة دي سبعة سنين وقد تمتد لاكثر من ذلك!!

الان انا امام خيارين .. أوقف سفري و استمر في العمل لحد ما ينزلي رقم وظيفي و على الاغلب حيكون في بداية الترم الثاني .. و بالتالي اكيد حاطلب من الجامعة في الخارج بتأجيل قبولي سنة ..

أو اني اكمل طريقي و اسافر


سؤالي يا أخوان هو:
في حالة اني سافرت على بعثة جامعة سعود ، هل اقدر احول جهة الابتعاث منها لجامعة عبدالعزيز الترم الثاني؟؟

و شي تاني.. المفترض اني حأرجع لجامعة سعود التكاليف .. و اللي بأسأل عليه هو تكاليف الدراسة حقت الجامعة هناك + راتبي كمبتعثة من الملحقية..
ماني فاهمة .. هل دي انا ارجعها شخصيا؟ او حيكون التعامل بين جامعة سعود و جامعة عبدالعزيز؟ و دا بحكم انهم الاتنين جهات حكومية و ان جامعة عبدالعزيز المفترض انها مسؤولة عن دا الشيئ،،

اسفة عالاطالة بس و الله اني في قمة الحيرة ،، و مو لاقية احد ينصحني ..
املي فيكم كبير ،، الله يجزاكم خير و في انتظار آرائكم [/color]