بخصوص الأعمال الدولية عند العيتاني تذاكري 8 صفحات انقلش وتحليها عالورق هذي كل المادة من أول الترم لآخره وعند غيره مدري صراحه ..
بخصوص الاستراتيجيه أخذتها عند الهندي يعقوب أسئلته حلوه وسهله شويه ويزيد كل طالب عالأقل 10 درجات لكن شرح لا تحلمي تفهمي منه أصلا أحنا لو كان يدرسنا اللي أخترع الماده فالأخير حنذاكر الكتاب والعمري صح يزود درجات لكن أسئلته حق النهائي نكب الطلاب فيها تصحيح خطأ وخمبقات .. غيرهم مدري فرانشيسكا عندك تشرح ما شاء الله وتفهم
( من وين تعرفها يا ولد هههههه ) كل ما جيت أشوف مواد الأودس ألقى فرانشسكا ذي صرفتلك على فرانشسكا ذي مدري عنها ..
لاداره الاستراتيجيه حق أدارة الاعمال يا أخت أنتوا فالموارد ماعندكم الا مادة الموارد والباقي كله حقنا والشعب هنا كله ادارة أعمال يعني تراكي فحارتنا روقينا
mis أخذتها أن ما خاب ظني عند باسهل عندي ملاحظات عالدكتور هو شباب راسه براسنا ويسويلك فيها من بداية الترم أنه يبغى يفرض شخصيه يقول عادي عندي لو أعطيتكم كلكم أف ما تفرق والله وشويه لما ما نشارك من شرحه المخمبق يقعد يهدد يحسب بزوره قدامه والكل خايف يعني لو بالنسبه لي ما أخذ عند دكتور زيه لو يعطوني ألف من ميه فالماده شوفي لو في دكتورات طيبات عندكم وايد أصرف يا يبه ..
أخلاقيات العمل سهله الماده وقاعدتها الأساسية ( أهم شي الأخلاق ) أخذتها عند الدكتور الفاضل ناصر بن كدسه وأعطاني آي بلس ولله الحمد .. بس يقولوا فالمنتدى في دكتوره للبنات كويسه مدري مين هي أسألي صحباتك اللي أخذوها ..
بخصوص القيادة نازله فالصيف عند العيتاني وعند العمري كمان أعتقد من ناحيتي العمري راعي هجوله مذاكرة سلايدات وهجوله فوقها أسأله صعبه خوينا العيتاني سهالااات ومرتب الوضع عالآخر أنا أخذتها عنده فالصيف الحمدلله ..
عاد هذا شرح مطول لكل ما طلبتيه يالطيبه .. بالتوفيق لك