الله يعافيكي أختي ..
لا ما عليكي الموضوع أبسط مما تتخيلي أنتي ركزي معايا فالشرح التالي وحتفهمي باذن الله :
توزيع الدرجات : 20 درجه أختبار دوري أول .. 40 درجه على البروجكت والواجب والحضور والغياب .. 40 درجه على النهائي .
نجي للتفصيل : بخصوص الواجب تافه جدا نقلنا 5 أخبار من النت فملف وورد أنا أعلمكم عليه الحين أدخلوا على ذا الموقع :
http://www.economist.com/economics
قلبي فصفحاته تلقي أخبار أقتصاديه وأخبار بزنس قد ماتبغي وفي موقع ال CNN ومواقع كثيره أنتي أكتبي الشي اللي تبغيه بعدين news ويطلعلك مواقع وأنتقلي بينها على كيفك ..
بخصوص البروجكت يبغاكي تطوري تسوي دراسة جدوى لأي منتج أو أي شي حتى لو كان بسيط وهالشغله تااافهه والى يومها باذن الله أن ربي كتب عمر حتشوفيني فالمنتدى أفيدك فيها ومالك الا طيبة الخاطر أنتي وأي احد غيرك بس حاولوا تكلموني من بدري شوية قبل ما ندخل فالاختبارات ولو أتأخرتوا كلموني برضه باذن الله أساعدكم فاللي تحبوه ..
أنتي لو تبغي حتى تتعلميها لحالك لتفيدك فمستقبلك أكتبي بس فقوقل شرح دراسة الجدوى وحتجيكي شروح كثيرة بعضها مو قد كذا وبعضها ممتازة أظن زي اللي فموقع المحاسبين العرب أن ما خاب ظني .. وبكل حال أن أي أحد يحب أعلمه عليها أو أسويها له أنا حاضر أخدم الجميع بس زي ما قلت لكم ممكن رمضان أنشغل فمستحسن تكلموني قبله ..
أختي هي سلايدات الدكتور بالعربي اللي يشرح منها واللي مقرره علينا لكن طالبنا فالاختبارات نكتب بالانقليزي لأنه أصلا منهجنا يعتبر أنقليزي وهو يشرح بالانقليزي فــ جيت ترجمة السلايدات حق المنهج تحت كل جمله بالعربي ترجمتها بالانقليزي من الوحده الأولى الى الوحده الأخيره ومكتوبه أرقام الشباتر أنتي أتصفحي الوورد وحتفهمي الشغل كله أن شاء الله ..
بأذن الله بعد كل ذي المقالات وضح الموضوع لك تماما وأي أستفسار أحنا هنا أخوان وما ورانا ولا قدامنا أستفسري فأي شي وأي وقت .. فمان الله