عرض مشاركة واحدة
منتديات طلاب وطالبات جامعة الملك عبد العزيز منتديات طلاب وطالبات جامعة الملك عبد العزيز
قديم 29-05-2013, 05:52 PM   #2

The Power Engineer

جامعي

 
تاريخ التسجيل: May 2013
التخصص: Electrical-Power Engineering
نوع الدراسة: إنتظام
المستوى: الثامن
الجنس: ذكر
المشاركات: 57
Lightbulb رد: مساعدة للترم الصيفي المهندسين الكهربائيين

EE-301

هذي المادة حتاخذها عند الدكتور محمد الشنقيطي - الله يطول في عمره - وطبعا هيا تعتبر تكملة للبيسك وحتى حتدرسو نفس الكتاب بس دي المرة حتختموه كلو. توزيع الدرجات فيها: 15 درجة كويزات (يديكم 15 وياخذ أحسن 10 بس), 20 درجة لكل ميجر (ميجرين), 5 درجات مشروع سهل, و 40 فاينل = 100 درجة. المادة يبغالها شغل بس ماهي بديك الصعوبة, انتا بس أديها حقها و"أفهم" لأنو المادة Open Book , يعني تخش بالكتاب والدفتر وملاحظاتك أي اختبار, سواء كويز أو ميجر أو فاينل. في ملزمة أشرف بركات للمادة ممكن تستفيد منها (بس ممنوع تخش بيها الاختبار بس ممكن تنقل اللي تبغاه في الدفتر وتخش). وفي كمان آلة تكساس لازم تشتريها عشان تسهل عليك الحسابات اللي ماتسويها الآلة العادية (لاتشتريها من جرير النصابين, يبيعوها ب1000 ريال وسعرها 600 ريال تقريبا من أمازون, دبروا نفسكم واحد يطلبها من أمازون أو موقع من النت مضمون بدال جرير).

EE-300

نتقابل إن شاء الله في الصيف , منزلها معاك

Isls-301

أحلى مستوى ثقافة من ال4 مستويات وكلامه سهل يخش العقل و موضوعاته حلوه ومنها فائدة. طبعا من الترم هذا أختلف التوزيع وسارت فيه 10 درجات في يد الدكتور وطبعا 25 ميجر أول و 25 ميجر ثاني و 40 فاينل وكلها اختبارات إلكترونية

 

The Power Engineer غير متواجد حالياً   رد مع اقتباس