[HU~]

فعلاً بغض النظر عن مجتمعنا ، المفروض نتحرر من هذا النوع من التفكير !
لو جلسنا نفكر بأشياء بدون مانشوف الصورة الكاملة للموضوع عمرنا محا نتطور!
إيش المهم؟ احنا هنا مانبغى نتخصص تخصصات فيها إختلاط للإختلاط بحد ذاته!
يعني محسسيني إنه المنكرات قاعدة تستناني عند باب المستشفى!
ترا مرررررررة آخر همنا والله! آخر همنا إننا نروح هناك عشان -قلة أدب- و مصخرة!
هادي التخصصات الواحد يدخلها بصعوبة و بدراسة و جهد مكثفة! مو أي أحد يقدر!
يعني اللي في راسه علم و طولة بال معقولة يغلب نفسه عشان حاجة لا طائل منها؟
لا طبعاً! أنا كمان زيك يا صحبة الموضوع! أبغى أدخل طب إن شاء الله
أبغى أشيل نظرة القرف المُلتحقة ببنات الناس اللي يتوجهوا للتوجهات الصحية و الطبية !
احنا نبغا نحط بصمة لينا!!
نبغى نقول شوفوا بناتكم يقدروا إنهم يكونوا سبب من بعض الله في شفاء الناس و خير ليهم!
و زي ماقالت ReRe.H عن قصة رفيدة الأسلمية في عصر النبي عليه أفضل الصلوات و أتم التسليم!
بالله إيش في برهان أكتر من كدا إنه الدراسة و العلم و إنك تكوني في مجال فيه إعانة للمسلمين أطهر من اللي الناس تشوفه؟

من رأيي: أستخيري و أتوكلي على الله و حطيها رغبتك الأولى
و أخوكي خليه الله يكفيكي شرّه إن شاء الله ماراح يعملك حاجة و لا يقدر أصلاً ربي يهديه!
و أعمامك برضو مالهم دخل فيكي مادام أبوكي راضي و عارف !
الله يكتبلك اللي فيه خير يارب وييسر لك أمورك ويوفقك !