[شكولايف]

انا بالبدايه فتحت محاضرة السنترا مع بداية التيرم تقريبا وكانت المدرسه مصريه فجرت راسي

ولا عاد فتحت محاضره بعدها ابدآ صداع فضيع من غير انها حسستني اني قاعدة ادرس طب من صعوبة شرحها

وبعدها جلست افرفر بالمنتدى هنا ولقيت وحده اسمها فرحه الله يسعدها دنيا واخره كانت تشرح

من الباب الاول الى السابع فقط وشرحها يجنن مفهوم مرا ماشاء الله

وكنت احل بعد شرحها لوحدي الاسئلة الذاتيه وكل باب احل الاسئلة ماتطلع النتيجه صح

وتعبت بعدها جلست افكر بمدرسه خاصه لاحصاء ومالقيت بجد كنت بتعقد نفس القانون ولا طالع نفس الاجابه

احيانا اعيده 10 مرات والناتج غير تعبت نفسيتي مدري وين الغلط كلمت وحده من صحباتي وارسلتلي رابط القناه حقتك

وجلست من باب الفضول اتفرج عليها شوي مع اني فاهمه شوفتك تشرح طريقه الاله حاسبه قلت يالا

خليني افهم معاه مع ان الي قبلك يوم يشرحونها بالمنتدى احس ان يبغالها مهندس برمجه مو شخص عادي

ولا فهمتها بثواني وكنت فرحانه قلت خليني اجربها على التمارين الي مازبطت نتايجها معي

ومن اول تمرين طلع نفس النتيجه بالزبط والله طرت من الفرحه الين ماوصلت لاخر تمرين

ماتتصور قد ايش ارتحت راحه لامدرسة ولافلوس ولاهم

الله يريحك مثل ماريحتنا ويسهلها عليك بالدنيا والاخره