 السلام عليكم يا شباب
كيف كان معاكم اختبار ادارة العمليات bus 221 مع الدكتور محمد يغمور ؟!
رأيي الخاص /
الاختبار كان اغلبه نظري صح و خطأ و اختيارات اما العملي ما ركز عليه كثير و جاب تقريبا 5 اسئلة عملية و مباشرة و حلها سهل جدآ بس النظري بصراحة كان صعب و عدد فقرات الاختبار 73 و يبغانا نخلص الاختبار في مدة ساعة كاملة و اعطانا 10 دقايق من عنده ..
المفروض مدة الاختبار نفس مدة جدول الجامعة من 4.30 الى 6.30 و اذا الدرجات كانت زي الزفت يفضل انه نرفع شكوى عامة عن دكتور المادة لمخالفته المدة الزمنية القانونية و المحددة من قبل الجامعة بصراحة انا ما قدرت اراجع اجاباتي و جاوبت مرة وحدة فقط و الدكتور محمد يغمور حط 73 و حسب على كل فقرة دقيقة كاملة , سلاماااااااااااااااااااااااااات نحن داخلين اختبار قدرات ولا اختبار جامعة يا دكتور الله يصلحك و ان شاء الله الجامعة تشوف حل للدكاترة من هالنوعية العنيدة التي لا ترحم
يا شباب الاختبار النظري كان من الكتاب يعني اللي قرأ الكتاب و فهم المادة مو بس حفظها يعني فهمها صدقوني بيجيب درجة تعجبه لكن اللي مثلي حفظ و قرأها قراءة بدون فهم راح يجيب في 60-70
الله يوفق الجميع ..
|
المتابع للمنتدى راح يجيب 95 بالراحه !! كيف ؟
قبل اربع اترام تغير دكتور الماده من كاسر الى يغمور وكان على مجموعتنا وكانت فكرة الاسئلة ومخالفه تماما لطريقة كاسر وجبنا فيها فوق التسعين.
طلعت من الاختبار ونزلت ما يقارب 80% من الاسئلة وشرحت الطريقة الكامله وحددت الصفحات اللي بالكتاب.
الترم اللي بعدنا نزل نفس الموضوع اخونا ابو بندر الله يوفقه وجات نفس الاسئلة باختلاف بسيط جدا وهو في سؤال الآلات خلاها اثنين بدل ثلاثه وجابوا درجات طيبه. (بعد ما طلع من الاختبار اتصل فيني على طول وهو يدعيلي بالخير. الله يجزاه كل خير)
يعني لو انك بحثت بالمنتدى كان جبت درجه فوق التسعين.
الدكتور يغمور يحب المساعده وهو كريم بالدرجات وفوق هذا خلوق . لا تخافوا.
اما بخصوص الشكوى والله ما راح تنفعكم بشي لا تتعبوا حالكم.لان الوقت ساعه ونص يعني 90دقيقة والاسئله 73.