[سارة 7]

المشاركة الأصلية كتبت بواسطة هبووش السلام عليكم ... كيف الحال جميعا ؟؟!! حابة استفسر واستشير في موضوع انا خريجة قسم ادارة اعمال موارد بشرية انتساب ونفسي أكمل ماجستير في ادارة الاعمال بس ليا كم يوم افكر اني ما اكمل في ادارة الاعمال ابغ ادرس طبخ من جامعة عالمية ... سؤالي : هل تقترحو عليا اكمل ماجستير في تخصصي أو اني ادور على بعثة خارجية لتعليم الطبخ وأكمل في الشي اللي حابتو ؟؟!! وشكرا ..^^

وعليكم السلام ورحمة الله وبركاته


شوفي ياقلبو برأيي لو كنت شاطر وعندك الرغبة في الطبخ أقولك إدرسي طبخ
صراحة دحين كثير عندهم شهادات ماجستير ودكتوراه ولا لقيوا وظايف ؟!!
للأسف الشديد .....قهر وربي

تعرفي لو أنا عندي زي ميولك مااااافكرت أبدا أبدا أكمل إلا بعد مايكون عندي رأس مال وأمنت لي شي بعد الله سبحانه وتعالى

أنا روحت دورة في الملتقى الجامعي تتكلم عن التجاره وأعطانا نماذج من مجتمعنا لتجار معروفين
وقالنا هؤلاء ماكانت عندهم وظايف عشان بنوا الثروة حقتهم ...كلها بعد الله ثم بالتجارة

نصيحة اولا إستخيري وبعدين جربي وشوفي يمكن تقطعي على نفسك شووووط كبيييير في حياتك وبدال ماتشتتي نفسك.
ودحين شوفي نفسك

إفتحيلك مشروع صغير وإبدئي من دحين وسويلك موقع إلكتروني تنشري فيه طبخاتك والله يرزقك من حيث لا تحتسبين ويفتح عليك

وبالنسبة للإبتعاث شوفي حكمه في ديننا ......من ترك شيئاً لله عوضه الله خيراً منه .....وتذكري إن الآخره خير وأبقى