مساء الخير عليكم جميعا ,,
أخباركم ان شاء الله بخير ,,
نرجع لكم مرة ثانية ونعطيكم وش صار معي ...
في البداية وصلني عرض توظيف اتوقع من أوائل من وصل لهم العرض ,المهم كان في [ الخرسانية ] تلعوزت وطفشت واستغربت تخصصي نظم معلومات ادارية وتودوني الخرسانية وبعدها بكم يوم ناس معاي من نفس تخصصي وصلهم عرض وكلهم وصلهم بالظهران ,,
المهم ,,
توكلنا على الله وفكرت وقلت لازم اودي العرض منها نضمن لنا مكان بالتدريب ورحت وديته للادارة في جدة عند الأستاذ خالد السويد وسألته كم سؤال :/
العرض جاني في الخرسانية وهي منطقة نائية ولا اعرف عنها شىء وكيف طريقة السكن ؟
السكن للي راح يتوظفوا خارج الظهران راح نوفر لهم سكن بس الظهران هالسنة ما راح يكون فيه للحين سكن ,,
طيب انا سمعت المناطق النائية يأخذوا بدلات زيهم زي الموظفين ؟
ايه اذا تددريبك بمنطقة نائية راح تأخذ بدلات مناطق نائية وبدلات زيك زي الموظف وراح نوفر لك سكن ,,
طيب التدريب شهرين وابي امدده شوي ؟
البرنامج 8 اسابيع وبالكثير 10 أسابيع غير كذا ما نقدر نعطيك ,,
طيب تدريبي الزامي من الجامعة ما يقارب 3 شهور ولازم ؟
يعني تعاوني لذلك ما نقدر نفيدك ولا اتوقع يمددوا لك ,,
الى هنا وطلعت من عنده ,,
وصلت البيت نمت وقمت اليوم الثاني وفي جوالي رسالة عرض توظيف "الخرسانية " مرة ثانية وفيها ايميلات ارسل عليها , المهم سحبت عليها لان توي معطي الاستاذ خالد باليوم اللي قبله ,,,
بعد ذاك اليوم واللي كان 30 / 4 وانا انتظر مواعيد اصدار البطاقة وهالأمور واليوم توصلني رسالة من ارامكوا او ما فتحتها قلت بس موعد البطاقات وحنا الحين باختبارات قوروشة وكذا ولكن ما جات على توقعي الرسالة ,,
كانت عرض توظيف ثاني بمكان ثاني واللي هو [ بقيق ] وايميلين وقالوا بكره اخر موعد اسلمه ..؟
لذلك انا تقريبا انلحست شوي وش ذا الأولى موديها وموقعها ومسلمهما شخصيا وثاني يوم يجيني نفس العرض واليوم يجيني عرض ثاني بمكان ثاني ,,
والله حيره