[adnans]

المشاركة الأصلية كتبت بواسطة Mno 3sal ماشالله عليكم ..الموضوع دا يبالو قعده استكناااانيه ويقعد الواحد يقرا كل حرف كتبتوه من جد كلام كلو مهم والله واحلى شي انو خاص فينا في الهوى سوى لووووول عدنااان الله يسعدك ياشيخ .. بدينا والله فاينل اليوم اول اختبار عندي فاينل احصاء اعمال اجلتو وقعدت اتهرب منو وياريتني مااجلتو الماده دسمه ومع مواد التخصص ينفقع قلبك اختبار الجوده نفس يومكم بس احنا قبلكم في الوقت الساعه 8 الصباح البنات دكتور فهد اعطانا الدرجات ابغا اعرف الدرجه من 20 ولسا مابديت في المشروع ولا طلعت مقالات :( قلت اول ماخلص الاحصاء ابدأ في المقالات شكرا الله يسعدك عالرابط الان احملو ..لاتضغط نفسك في ترجمة الجوده الدكتور يجنن ماظنو يجيب اساله صعبه قال حتكون نفس نظام الدوري حيكون صح وخطأ وحيكون عشرين فقره كل فقره بدرجتين حقييييقي شكرا لييك بس زي ماتشوف مشاركاتي يادوبك 50

وش اللي أستكنان ولول حننا ما عندنا هالخرابيط بزنس أز بزنس

ويسعدك يا شيخة الشيوخ وبخصوص اختبارك لا تتمني شي عكس اللي سويتيه هذا يضعف الهمه قولي بسم الله وشدي حيلك وباذن الله الأمور حتكون في ال ok
قويه ينفقع قلبي ههههههههه صدقيني ما يحتاج تاخذيها بهم وغم شوفي أنتي ذاكري بسعاده وفرحه كأنك تعيشي فرحة يوم العيد وبعدها دعوات من الوالدين وترضي ربك فكل أمورك وصدقيني أن ربي ما يسرلك درجات حلوه فجامعتك راح ييسرلك أمورك بعد جامعتك وأن ماأتيسرت لك دنيا ترى ربي جيجازيكي بخير فالآخره ( من سلك طريقا يلتمس فيه علما سهل الله له به طريقا الى الجنه ) هذا حديث لحبيبنا صلى الله عليه وسلم أستشعري أنك تذاكري لتفيدي نفسك وأهلك والمسلمين وصدقيني راح يسهلك ربي كل الأمور مشكلتنا فمفهومنا عن الدراسه معدل وخلاص لو نلاحظ هالهدف لحاله حيكون هدف تافه بصراحه لازم يكون الهدف أكبر من كلمة معدل أنا من ناحيتي أخذ المواد على أنها أشياء جديده وأبغى أتلقف وأعرف وش فيها وتتكلم عن أيه والحمدلله الدرجات تجي لحالها ..
بخصوص شكرك المتكرر أنا أقولك بصراحه والله يا أختي أني أتضايق لين يشكرني أحد وأقول دايما الشكر لله وأحنا مسلمين فالنهايه أن ما أستشعرت أنكم أخواني ولازم نساعد بعض ما راح أستاهل كلمة مسلم حتى ... عالعموم كثرت عليكم وأتفلسفت كثير ههههههه أشوفكم بخير وموفقــــيـــن