[girl.k.s.a]

المشاركة الأصلية كتبت بواسطة طالب1414 طيب ليش تدرس بالانجليزي انا ما اعرف انجليزي !! هل السنه التحضيرية رح ادرس للغة ويكون التعليم فيها جيد وقوي ..؟! او مافي دراسه لغة قوية ..؟!

اسفين على التأخير ،
لانو اتغير نظام الكلية من عام 2010 وصارت بعض التخصصات علمية وتدرس بالانقلش
ما عدا تخصص المحاسبة (علمي)اول 3 مستويات في الكلية مواد مشتركة بالانقلش وبعد كدا تكمل التخصص عربي
والله يا اخوي طالب لازم تتعلم الانقلش ، لانو كل التخصصات الكويسه كدا وحتى الماستر انقلش ، يعني الانقلش شر لابد منه ، وترى مرا سهل بس يحتاج ممارسة كتير

التحضيري راح تدرس المواد انقلش ادا كنت علمي اللي هيا كيمياء وفيزياء واحياء ورياضيات
وكمان راح يكون في مستويين انقلش تقريبا وبالنسبة لقوة اللغة صراحه تعتمد على الدكتور
يعني في دكاترة ممتازين مرا ويطلعوك من التحضيري مرا تمام وفي ناس العكس


نصيحتي لك دام الاجازة جايه ادخل دورات انقلش لمدة 3 شهور خلص فيها 3 مستويات وشد حيلك
يصير لما تدخل الجامعة تكون عارف شويا انقلش وتقدر تمشي حالك وتقدر تذاكر شويا المواد اللي بالانقلش
وبعد سنة او سنة ونص راح تتعود وتصير كل الامور عندك سهلللللله بإذن الله


انا دخلت قبلك ميييييييح ما اعرف اي شي بس مع الدراسة الحممممدلله وعلى اخر مستويين اتعلمت اشياء كتيرة الحمدلله

وافضل معهد في الانقلش وتطلع مستفيد صح هوا المعهد البريطاني بس غالي شويا
المستوى الواحد ب 2350 اظن كدا لكن تتعلم من جد