[أحاسيس مبعثرهـ]

.

تمـ بحمدالله تسليم البحث ..
اليوم كان الموعد من الساعه 11 إلى 1 كانت الاستاذه موجوده من قبل الـ 11
وقالت الي عندهغ مناقشه تدخل ..

أنا دخلت الساعه 11 تقريباً ..
أول شي مسكت التقرير وسألتني كان له طريقه كيف كتبتيه ؟
قالت لها أول المقدمه عن التعليم بعدين عن المدرسه .. وقلت لها نفس ترتيب البحث
سألت عن أهداف التدريب وكمان النتائج والتوصيات ..

وتقريري ما عجبها
حسيت من شكلها تقولي كذا الترتيب ؟ أنا شفته من قبل ؟
والعلم عن الله شكله تخبيص لانه كتبت كلام كثير فصفحه الغلاف
وشفتها تشطب أشياء وتهز راسها ( الهمم عليه العوض ومنه العوض )

بعدين أخذت البحث
قالت لي أيش العنوان وتكلمي عن موضوع البحث ..
وجلست أقرقر فوق راسها شوي يوم سكتت قالت لي ايش الفروض ؟
وبعدين سألت كيف اثبتيها ؟ ايش النتائج و التوصيات ؟
اتوقع بس ذا الي سألت عنه

عموما هي تبغى الوحده تدخل عندها و تتكلم بس ..
يعني مهم جداً تدخلي لها بكل ثقه و يكون عندك كلام كثير تتكلمي عنه

عموماً ترى المناقشة عاديه وحلوه
أهم شي زي ما قلت تكون الوحده واثقه من نفسها وتهرج كثير

والله شعور رائع لما تخرجي من عندها نص الهم ينزاح ..
وتحسي نفسك خفيفه شعور رهيب ..

بالتوفيق للي ما سلم للحين
واي شي انا موجوده ان شاء الله

.