شرح قصة great expectations بالعربي
القصة منقولة جزا الله خير من قام بشرحها
هذا ولد يتيم و فقير يعيش في مقاطعة كنت ..امه و ابوه متوفين .. وعايش عند اخته (مسز جو) حادة الطباع و زوجها الطيب الحنون (مستر جو) .. و تبدا الروايه لما كان بيب عند قبر امه و ابوه يزورهمـ ..و مسكه واحد ..شكله يعطي موجرم ..وكان فيه برجله قيد حديدي (يعني شكله سجين هارب)و فتش بيب ومالقى معه الا قطعة خبزه .. فأخذها واكلها .. و هدده انه ما يعلم احد .. وقاله وش اسمك .. وقاله انا بيب والدي متوفين ومدفونين هنا و اعيش مع اختي وزوجها الحداد .. قال المجرمـ حداد ..؟ تعرف المبرد الحديدي ؟ قال بيب يس قال طيب رح جبه لي ..وجب لي اكل .. وياويلك لو تعلم احد باللي صار ترى بقتلك انا وصديق لي يجي و ياكل الاطفال بغرفهم بالليل وهم نايمين ..
اراح يجيب اللي طلبه منه هالمجرم .. وهو حده خايف منه ومن صديقه اللي ياكل الاطفال.. و لما رجع البيت .. عاقبته اخته لأنه تآخر وقلقت عليه ,بس دافع له زوجها .. و طوول الليل و لما بدى النهار يطلع و قبل لا يتقوم اخته و زوجها .. راح واخذ اكل من المطبخ و اخذ المبرد و اخذ طعام .. ولقى فطيرة لحم ع جنب.. قال شكل اختي مابدا اياه فاخذها . و لما وصل للمجرم .. عطاها الاكل و المبرد و قعد ياكل .. و بينما هو مشغول ببرد الحديد عشان يفكه عن رجله .. تسحب بيب شوي شوي و رجع لبيتهم .. باليل كان فيه حفلة عيد الميلاد .. وتجمعو معارفهم .. و من ضمن اللي جو عم زوج اخته (مستر بامبلشوك) و كان يحب فطيرة اللحم .. بس لما جت بتقدمها له اخت بيب( مسز جو) مالقتها .. وبنفس الوقت دق باب بيتهم .. وطلعو الشرطه جايين للحداد زوجها يساعدهم .. لحتى يصلح لهم الاقفال الحديديه اللي معهم لأن اقفالها ماتعمل.. وبعدها ح يروحوا يدورا عن سجينين هاربين..وبعد ما صلحها لهم .. سمح لمستر جو .. و ابيب انهم يروحون معهم يتفرجون .. والمهم .. قدرو يقبضون عليهم .. و السجين الاول .. اللي هو المجرم اللي ساعده بيب .. ناظره بيب مواسي له .. و اشر له اشاره انه ماله دخل باللي صار ..بعدين قال السجين الاول بصوت عالي .. وهو يناظر مستر جو ..بدي اقوله شي .. و سمح له الشرطي .. قال ترى سرقت اكل و فطيرة لحم من بيتك .. قال مستر جو .. آه هي اللي تدور عنها زوجتي ..بس نحنا ما نبخل بأكلنا على شخص جائع .
ومرت الآيام .. و مره من المرات جا عم جو (مستر بامبلشوك) وقالهم انه فيه عجوز غنيه يقال لها (الآنسه هافيشام) تريد طفل يلعب عندها بقصرها لأنها وحيده.. و قلت لها عن Pip و راح بيب لها مع العم بعد ما رتبته اخته و لبسته حلو.. و بأول زياره التقى هناك ببنت اسمها ستلا.. تقريبا بعمره بس انها مغروره و متكبره ..وهي بنت تعيش عند هالعجوز ..وخلتهم العجوز يلعبون قدامها . لكن ستلا تعامله بغرور و ع اقل شي تسخر منه و تشتمه ..و هكذا استمر يذهب لقصر الأنسه هافيشام << اللي هي العجوز .. و يلعب عندهم ..و عندما اصبح صبي قالت له العجوز انه يروح المحكمه و يسجل انه صبي لجو .. و اعطته 25 جنيها ذهبي .. و قالت لا عاد تجيني ولا اشوفك .. و بعدها صار يعتبر صبي لجو و يشتغل معه بورشة الحداده .. و بالبدايه كان سعيد بهالشي لأنه منية حياته يكون مع مستر جو بورشته يشتغل لكن مع الايام فقد ستيلا المغروره .. و كره شغله كحداد .. لكن مابغى يقول لمستر جو .. لأنه يحبه و كان فرحان ان بيب يشتغل معه ..وكتم حزنه عنه .. و بعد فتره حن لستيلا و العجوز ,, فراح لبيتهم و قالو له ان ستيلا سافرت تدرس برى بلادهم و تكمل تعليمها ..و بالهفتره اخته مرضت و صارت ماعاد تتكلم و فقدت الذاكره .. بسبب انه في احد ضربها مع راسها تسبب لها بكل ذا .. ما عرفو مين .. خصوصا ان اعداءها وااجد ..بسبب اخلاقها المش كوويسه .
و جت عندهم خادمه اسمها بيدي وكانت بنت طيبه و حبوبه معهم ..و صارو اصدقاء لدرجة قالها عن حبه لستيلا اللي مادرت عنه ولا عن هوى داره .
و في يوم من الآيام جاهم واحد يقاله المحامي جاجرز . وعرض عليهم عرض .. الا وهو .. ان بيب يسافر للندن و يتعلم .. عشان يصير جنتل مان ..و بتكفل بتعليمه و مصاريفه شخص و قالهم بس بشرط انكم ما تسألون من الشخص ذا اللي محسن عليه بهالشي ..و ثانيا انك تتمسك بأسم بيب .. ماتغيره .
و سافر بيب ليتعلم للندن و عاش مع شاب طيب اسمه هربرت << ابوه هو اللي بيكون استاذ بيب .و هربرت تلعم منه بيب كثير من العادات الجيده. و وداه لأبوه الاستاذ و عرفه ع زميلين معه طلاب عنده .. اللي هم مستر شارتوب ومستر بنتلي دارمل .. وما ارتاحلهذا اللي اسمه بنتلي حس انه مغرور و شايف نفسه .
مرت اليام و بغ سن العشرين .. و قاله مستر جاجرز << اللي هو المحامي و المشرف ع تعليمه و مصاريفه .. قاله ان ستيلا رجعت للندن بعد ماخلصت تعليمها ..و طالبته تبي تشوفه .. فأستانس بيب و طاار من الفرحه ..و صار يروح معها و يجي و يحضرالحفلات معها ,, بس هي للآن مازالت على غرورها و تكبرها .. وكانو كثير من الشباب يحسدونه ع اللي هو فيه .. وهو ماكان عاجبه هالوضع .. بس كان حاس ان السبب ورى جعله جنتل مان هي العجوز الغنيه الآنسه هافيشام ..
ولكـــــــــــــــــــــــــن بعد ما وصل سن ثلاثه و عشرين ..عرف صاحب الثروه اللي تسبب بتعليم .. وكان يعطيه مبلغ و قدره كل عيد ميلاد له .. و مبلغ سنويا مخصص يجيه ... انه ,,, انه ,,, انه ,,, هووووووو السجيييييييين الأول ..!!؟؟ اللي شافه عند المقابر و مسكوه الشرطه لأنه هارب .
كيييف و وشلوووووون ... اقولكم .. هذا السجين حب بيب و حس انه مسيكين و عطف عليه .. و بطل سرقه و اعتذل حاله .. و الدوله اطردته برى انجلترا كلها مو بس لندن .. و راح عاش في (نيو ساوث اسستراليا ) و هناك اغتنى الرجال . و كلف مستر جاجرز انه يكون ورى اللي صار كله لبيب و طلبه يكون الامر سر ...
طيب كيف عرف بيب انه هووو ..!!؟
انه هذا السجين الأول اللي هو صاحب هالثروه .. اللي يقاله مستر ماجويتش.. جاه يزور بيب بلندن ,, مع انه كان مطرود برى انجلترا كلها ..بس لأنه اشتاق لبيب و حب يشوفه .. وطبعن بيب انصدمممممممممممم لما عرف .. وكان بيرفض يكمل تعليمه و يرفض فلوسه .. لكن هربرت اقنعه انه مايسوي كذا .. ومع الايام حس بيب انه فعلا هالشايب مستر ماجويتش يحبه و يحن عليه ..( معلومه صغنونه .. ان بيب تغير بعد ماعاش حياة العز بلندن و صار انسان فيه غرور و نسى ماضيه .. الا جحدهم )
مع الايام طلعة اشاعه ان مستر ماجويتش جاي لندن ..وهو اللي ممنوع من دخولها .. فخافو مستر جاجرز و بيب عليه .. وحاولو يخفونه ثم قررو يسفرونه .. ومارضى ماجويتش ..الا ليين اقنعه بيب وقاله انه مستعد يروح يسافر معه بس اهم شي انه ما يقبضون عليه الشرطه ..لأنه محكوم عليه بالأعدام اذا اكتشفو انه خالف القرار و رجع ..و لقى طريقه خفيه يسافرون فيها .. و سافرو .. لكن للآسف فشلة خطتهم و قبضو الشرطه على الشايب مستر ماجويتش ..و حكم على ماجويتش بالأعدام .. و لكنه مرض و توفى قبل ان ينفذ فيه الحكم .
وقبل هالفتره تزوجت ستيلا مستر بنتلي دارمل اللي ما يطيقه بيب ..وطبع ستيلا تزوجته لأنه غني .. و بيب حزن حزن شدييييييد لما عرف بخبر زواجها.. وعرف بيب بسر ستيلا اللي هي ماتدري عنه .. عرف انه ستيلا تصير هي بنت ماجويتش و امها كانت حادة الطباع.. و محكوم عليها بالاعدام لأنها قتلت وحده شكت فيها انها بينها و بين زوجها مستر ماجويتس علاقه .. و هددت ماجويتش انها تقتل بنته و بنتها اللي هي ستيلا .. و لكن المحامي مستر جاجرز ساعدها بأنهم يخففون عنها بالحكم .. و بعد ما طلعت من السجن خلاها شغاله عنده .. والاب ماجويتش كان بذيك الفتره خريج سجون كل فتره و هو مسجون .. و اخذ الطفله ستيلا و اعطاها العجوز الآنسه هافيشام تربيها عندها .. لأنها كانت تبي احد تتبناه .. ولكنها ربتها ع قساوة القلب و الغرور لأنها ما تبيها تطلع مثلها و بعدين تنخدع بحب شخص يحطم قلبها ,, و يقال لهذه العجوز آنسه هافيشام .. لأنها ما تزوجت ابد .. و السبب انها حبت واحد و خدعها لأنها غنيه ..و ماعرفت هالشي الا بيوم زواجها منه ..لأنه هرب وماحضر الزواج.. وحطم قلبها.
نرجع لمحوور حديثنا ان بيب حزن ع زواج ستيلا .. و بعد فتره عرف بموت العجوز الآنسه هافيشام .
وكان عليه ديوون و مصاريف و الشايب اللي يعطيه فلوس توفى .. وتدهورت حالته الماديه و تعب بهالأيام صحيا ..و لما تعافى لقى اللي اهتم فيه بمرضه هو مستر جو << زوج اخته اللي تدهورت حالتها الصحيه و توفت .. و فرح فيه لأنه يحبه و ندم ع الايام اللي مضت و هو ناسيه فيها و غره غروروه . و بعدها رجع مستر جو لبيته بقلعة كنت و تزوج بيدي خادمته .. و اكتشف بيب ان مستر جو سدد بعض ديونه و بعضها سددها هو لأنه باع ممتلكاته اللي بلندن و سافر لمصر .. لصديقه هربرت اللي راح يشتغل بفرع شركته اللي موظف فيها هناكـ .. و عاش مع هربرت و زوجته ببيتهم بمصر .. و ازدهرت حياته هناكـ .
وبعد 11 سنه من حياته هناك حن و اشتاق لمقاطعة كنت بأنجلترا ..بلده ..فسافر لأنجلترا و زار مستر جو و زوجته بيدي .. و لديهم طفل سموه بيب .. و لما قرب موعد سفرته و رجعته لمصر .. راح يزور بيت العجوز الآنسه هافيشام .. التقى هناكــ صدفه ((بستيلا )) حبه القديمـ .. و انها ماكانت سعيده مع زوجها .. اللي توفى قبل عامين بحادث ..و خبرته انها قد باعت هذا البيت اللي هو آخر ممتلكاتها اللي خلتها لها العجوز هافيشام ..وجايه تشوفه للمره الآخيره .
و عاااااادت المياه لمجاريها
|