[adnans]

بسم الله الرحمن الرحيم .. السلام عليكم ورحمة الله وبركاته .. ندخل فالمهم :

هذا أخواني وأخواتي الكرام مثل ما أنذكر فالعنوان ملخص الاختبار النهائي لمادة ادارة الاعمال الدولية bus 422 للدكتور الفاضل : فهد العيتاني طبعا الملخص يشمل الماده من الأول للأخير بالتحديد ال10 الشباتر اللي اعطانا أياها + أني مترجمها كلها وملونها لتفرقوا بس راح اقولكم وش معنى الالوان :

الأخضر : عناوين الشباتر بالعربي والانقليزي
الأزرق الفاتح والغامق : هذي زي ماتقولوا العناوين الرئيسيه فالشباتر
الأسود : التفصيل الممل كالتعاريف والاقسام الخ بالانقليزي
الأحمر الغامق : كل الكلام العربي خليته بهاللون
في فأول شابترين أستثناءات بسيطه فالألوان ذي لكن شوفوها وحتفهموا كل شي بدون شرح

طبعا للمعلومية سؤال النهائي زي سؤال الدوري : أذكر كل ما تعرفه عن الماده ؟
عاد أنتوا الحين لا تشوفوها صعبه أنكم تحفظوا الوورد كله أنا بس كتبت كل شي أبراء للذمه وللشموليه وما أبغى أنقص شي رغم أني أختصرت كم شي بسيط ليسهل عليكم الحفظ لكن اللي ما يقدر يحفظ ذا كله أو يفهمه يحاول يحفظ العناوين الرئيسية ويلخص الملخص ويتدرب على كتابة الملخص قبل الاختبار ويكتب العناوين الرئيسية فورقه لتثبيتها فالمخخخ وباذن الله راح تتسهل أفهموا ولااا تحفظوا وأذكروا الله ودعوة من الوالدين وفالكم الدرجات العاليه فالدنيا والآخره

هذا رابط الوورد اللي فيه الملخص رفعته لكم على الميديا فير للمشاهدة :

http://www.mediafire.com/view/?7yzf0dd076m8ryc

وهذا للتحميل عالميديا :
http://www.mediafire.com/?7yzf0dd076m8ryc

وعلى الخليج ( لا يجي واحد طيب يحمل الاثنين هم نفسهم حمل من أي واحد وخلاص):

http://www.gulfup.com/?P389Aj

معلومه قيمه :
واحد أسمه سعيد هذا الشخص من أغلى الكنوز اللي أملكها حقيقه أعطاني موقع عالانترنت اذا عندك أي ملف تبغى تفحصه راح يفحصه لك على 40 أو 50 برنامج فحص ممكن تعرفوه بس هالمعلومه جديده علي فحبيت انقلها لكم أسم الموقع virus total وهذا رابطه مشان تفحصوا الملف اللي راح أحطه وأي ملف فحياتكم ينفع حتى للفيديو وأي شي :

https://www.virustotal.com/ar/

عاد الحين عندي ملاحظه صغيره اذا تكرمتم :
شدوا حيلكم من الحين وأنا ما جهزته قبل الاختبار بفتره الا لتذاكروه من ناحيتي انا ما أذاكر ولا أهتم يشهد الله كتبته مشانكم فأنتبهوا تأجلوا المذاكره وكل يوم تقولوا بكره وماتفقدوا الا الاختبار فوجهكم رغم كذا ان صار ولقيتم الاختبار بكره وما ذاكرتم فلااا تخافوا ذاكروا يكفيكم فالمذاكره يوم واحد لكن بتركيز وفهم وكتابة لتثبيت الحفظ ..
دعواتكم .. وباذن الله أترجم من بكره شباتر الاستراتيجيه وأعتذر للي تأخرت عنهم فيها هذا عذري قدامكم .. شدوا الهمه ما بقي الا القليل وبالتوفيييق ..

على فكره وأحنا فالمحاضره لما قعدوا الطالبات يقولوا للدكتوركثير كل الشباتر وحده قالت نتعب لمانترجم هههههه حز فخاطري هالكلام والله وشديت حيلي فالترجمه مشانها ومشان الجميع الله يريح بالكم أجمعين