[ولــيــد]

السلام عليكم ورحمة الله وبركاتة

عندي رسالة اتمنى توصل للمسؤلين عن اختيار الاماكن !

ياجماعة الخير ما يصير هالسنة حاطينا عند طعس التحدي برى الرياض ! اليوم رحت المكان جدا ممل وطريق واحد رايح جاي مسافة 4 كيلو!!

يعني بالعقل خلونا نتكلم بشفافية ووضوح ترانا ندفع 3 الاف ريال للدراسة بالاضافة الى 1000 ريال لاختبار المناطق.

جامعة الملك فيصل وهي بعدنا في الانتساب والمناطق عندهم خيارات (شمال الرياض ، شرق الرياض ، غرب الرياض ، جنوب الرياض) ومجاناً واحنا الي ندفع فلوس مالنا الا خيار واحد !!

يعني الي بيجي من جنوب الرياض او غرب الرياض بيقطع مسافة من 80 الى 100 كيلو عشان يوصل مقر الاختبارات !! هل يعقل هذا الشيء !!

اقسم بالله العظيم لو ادري ان هذا المقر هو المخصص للاختبارات لما دفعت رسوم المناطق وذهابي الى جدة ارحم من هذا الوضع والزحمات والتمغيط

والمشكلة الاكبر انهم ما يحددون المكان الا قبل الاختبارات بكم يوم يعني يحطونك قدام الامر الواقع !!

اتمنى واكيد غيري كثير ان تكون الاختبارات بخيارات اكثر اسوة بجامعة الملك فيصل وتسهيلاً للطلاب خصوصاً اننا ندفع رسوم وليس تكرم من ادارة الجامعة الموقره :)


اتمنى ما ينحذف او ينقل الموضوع هذا فيض من غيض ... وشكراً