رد: ماعرف اتكلم انجليزي وانا قسم انجليزي
انا عن نفسي سويت اشياء وبصراحه افادتني :
حولت الكمبيوتر انجليزي , والجوال بعد انجليزي
جبت اسطوانات استماع بالانجليزي والعربي يعني سطر انجليزي وسطر عربي واسمعها باستمرار في السيارة
جبت اسطوانات الكافي لتعلم اللغة الانجليزية وامشي معاها درس درس اي كلمة جديدة اكتبها
اسمع قناة الجزيرة الانجليزية صحيح ان الاخبار كلها قتل وتفجير ... بس عاد ايش اسوي
المهم تحسنت ولله الحمد
ايضا فيه برامج ممتازه للايفون والجالاكسي في المتجر لكل نوع اكتبي english وتجيك مجموعه برامج اختاري ونزليها بجهازك وتصفحيها واقريها ,
من الحين للاخر احاول اكون جمل كيف انا اقلك . مثلاً
اكتب جملة بالعربي في الورقة واحاول اكتبها بالانجليزي بعدين اكتب الجملة اللي بالانجليزي في مترجم قوقل واشوف الخطأ وين واعدله وزي كذا
طبعاً الجمل اللي احاول اجيبها متنوعه من هنا وهناك
في النهاية تذكري الطفل يمر بعدة مراحل :
اول مرحله / الاستماع
ثاني مرحله / محاولة التكلم ويخطئ باستمرار
ثالث مرحله / القراءة والكتابة
رابع مرحله / تصليح الاخطاء وتطوير نفسه للأحسن .
وأحنا هنا كالأطفال بالنسبة للغة الإنجليزية أو أي لغة جديدة غير لغتنا الأم .
بالتوفيق لي ولك وللجميع
|