سلام عليكم..انا عندي سؤال..ممكن تجاوبوني عليه..اللي هو..!
بنت جارتنا تدرس ثالث ثانوي ..ادبي ونسبتها ماشالله 99,22
لكن هي اجنبية (يمنية ) من اب وام ..
اخوها سالني اذا فيه امكانية تقدر تدخل جامعة الملك عبدالعزيز ..ولا لا ..
|
وعليكم السلاااام
ماشاء الله نسبتها حلوه واهم شي تشد حيلها في القدرات والتحصيلي وتجيب موزون في الـ90 والموزون عباره عن 50% من نسبة الثانوي و30% قدرات و20% تحصيلي ويقسموها ع 100 والقبول يبدا من 90 ومافوق اذا تبغى عبدالعزيز وبإذن الله تدخل
وفي طريقتين للتقديم لغير السعوديين
منحه خارجيه اللي هيا عن طريق السفاره اليمنيه فنقدم شهر يناير ويجي القبول بعد سنه
وفي منحه داخليه عن طريق الجامعه نفسها يفتح تقريبا ع شعباان ويجي القبول بعد ترم او لو طولت سنه
يعني بكل الاحوال تتعابعونا هنا وبتعرفو كل جديد ومتى يفتح التقديم واي معلومه تبغوها حتلقوها
وبإذن الله لو شدت حيلها وجابت في القدرات والتحصيلي بتدخل الجاامعه والله يوفقهاا
ان شاء الله افدتك واي سؤال اسالي الكل راح يساااعد :)