انا آسف ولا اقصد احباط احد ولكن هذه الحقيقة وعلى فكرة حصلت على دبلوم تربوي وبرضه
مافيه وظائف ,,, بالعربي اللي معاه تخصص كويس له مستقبل يتوظف او اللي معاه واسطه قويه
وعلى العيادة من سابع المستحيلات لانه اصلا تصنيف الهيئة الطبية لايسمح لانه مسجل اخصائي
مساعد اول ولابد من الخبره سنتين ليحصل على اخصائي نفسي  !
بالتوفيق وفعلا الارزاق بيد الله والله يغير الاحوال للافضل
|
^ انا ممعاك ي اخويا في كل كلمة قولتها وبصراحة صح دا المجال صعب تلاقي الوظيفه الي كانت في بالك او تتمناها وخصوصاا انك رجل !
قريبي يحوب علم النفس وكان نفسو يخشو بس اهلو منعوه ! قالولو انو مافيه مستقبل ومحا تلاقي وظيفه بسرعه وتكون نفسكك وتستقر وغير التخصص كليااا
هو تخصص حلوو لكن غالبا احس شهادة البكالوريوس ماتسوي شي ولاتجيب وظيفه قويه مقارنة باغلب التخصصات !
بالاضافه انك قولت اخدت دبلوم تربوي ومافي فايده
يعني ادا تبغى تصير شي كبير و وظيفه وراتب ومكانه لازم تشد حيلك وتكمل دراسه مو شرط ماستر لا يعني تاخد شهاادات وتدريب وتجرب كل شي ممكن يفيدك ويزيد على شهادتك لانو علم النفس يبغالو تعب ومثابره وتزيد من علمك وخبرتك باستمرار لانه تخصص ماله حدود وخاصة عندنا مايدو خريجين التخصص دا حقو ومافيه وظايف تناسبو
بالاضافه انو تتوكل على ربناا وتحط في بالك انك دامك اخترت دا التخصص خلاص قيدك فيهاا ولازم تكمل مشوارك فيه وتزيد علمك وتحط في بالك هدف انك تصير شي كبير وبدون لاوعي منك حتحقق الي تبغاه دامك حطيت الهدف قدام عيونك
ربنا يوفقك ويكتبلك الي فيه الخيير واهم شيي لاتسمع كلام الناس الي يحبطوك ويقولون مالك مستقبل وتخصصك مو مطلوب والكلام الي يحطم المعنويات الي دايما انا اسمعو برضو ههههههههه
لا خلي في بالك انو فيه مستقبل حلوو ينتظرك بس يحتاج تعب وصببر عكس زملائك الي يمكن يكونو متخرجين من تخصصات مطلوبه ولقو وظايف وحققو الي يبغوه
بالتوفييق وربناا يرزقك قد نيتتك وصدقني دام ربنا كاتبلك الخير في اي وظيفه ومجال حيسيرلك إن شاء الله ولاتربط انو مافي وظايف عشان علم النفس ! وربي فيه ناس كتيراا مو لاقين اقربهم اخويا عندو ماجستير هندسه من امريكا وجا متحمس يبغى يتوظف ويتزوج وله سنه ماقبلوه ولا في وظيفه لين اتحطم !
الله يعيين ويرزقنااا كلنااااا
