بلادنا كل شيء فيه فساد ,, أو سياسة غبيه ...
طيب صح كلامك,, دحين اللي انقبل العام الماضي ليش ينقبل مرة أخرى,,, انا هدفي اني احصل على شهادة تدريب فقط,, وبعد كذا مني مقدم عندهم,, اشوف شيء ثاني واخذ شهادة أخرى..
*الواحد يحس انو عايش في مجتمع محـــــتال جدا جدا جدا جدا
|
ترى الواسطات مو بس بالسعوديه ، هيا في كل مكان.
سياسه يدو الاوليه القبول اللي عندهم اقارب بالشركه دا في كل مكان مو بس ارامكو او السعوديه.
انا قدمت ابتعاث ارامكو وكان عندي كلو المتطلبات النسبه المئويه والتحصيلي والقدرات. برضوا جاني رفض وماادري ليه رفضوني.
امكن يجي في بالك زي البقيه انو انا ليه بقدم تدريب بالسعوديه مو بامريكا
ازا عرفت نظام امريكا للتقديم للتدريب وكسب خبرات ازا ماعندك
1- سجل مدني امريكي = الجنسيه الامريكيه
او 2- غرين كارد
اتوقع الرفض على طول حتى ازا معدلك عالي
انا قدمت كده جامعات ومستشفيات بالسعوديه في مجال الابحاث يجيني رفض ليه
انا بنت متخصصه هندسه كيميائيه ، في بالهم ماعندي خبره معامل او مواد كيميائيه او كيمياء عضويه، يقولوا روحي قدمي شركه بتروليه
انا قدمت شركات بتروليه وكيميائيه منهم بترومين وسابك وشركات كيميائيه يابانيه بالسعوديه
يجيني رفض ليه انا بنت
(
قعدت سنه كامله زعلانه دا عام 2010)
الحمدلله ارامكو قبولوني العام الماضي ودي السنه
ازا عرفت شهاده خبره ارامكو كيف، كأنوا شهاده العشره الاوائل بالمدارس يقول انتا اتدربت مع ارامكو دي الفتره الزمنيه.
المهم انا ماعليا من شهاده.اهم شيء
1-اكسب خبرات في مجال تخصصي سواء من نفس الشركه او شركه مختلفه
2-اكسب خطابات توصيه من رئيس القسم، نائب رئيس القسم والمشرف القسم
3- اكسب علاقات جيده مع موظفي الشركه لهم الخبره في التخصص اكتر من 10 سنوات
بعدها من دي الاشياء راح يساعدني اكمال دراستي في تقديم الماستر والدكتواره " ان شاء الله"
لانو ازا خططت تقدم ماستر او دكتوراه
راح يطالعوا في السي في
اوكي معدلك عالي وتعرف انجليش كأنوا شيء عايدي
يبو شيء يميزك عن البقيه غير عن المعدل
1-خبرات في المجال الوظيفي لتخصصك
2-خبرات في الاداره والقياده
3-هل عملت اعمال تطوعيه
4-تتكلم لغات مختلغه
الخ.......
ازا ارامكو ماقبلتك، ان شاء الله في اماكن كتيره راح تقبلك عندك شركه روابي والمستشفى الحرس الوطني التقديم للتدريب لسا مفتوح.
ربنا يوفقك ويكتب لك الخير