[gardenia]

السلآمُ عليكم ورحمة الله وبركآته ~

سآمحوووني يابنآت أمانه والله النت كان مفصول عندي الفتره اللي فاتت وماقدرت أتوآصل معآكم :(

بس في بنات ماقصرو الله يسعدهم يآرب ..

حبيبآتي بالنسبه للتدريب أبدأو أتدربو في أي مكان خاص حكومي أي شي !!

لأنو هي لما تكلمت قالت أفضل الخاص لكن مالزززمت مره !!

اللي لقيت مكان تتدرب فيه تتوكل على الله وتتدرب وتقولها أنا أتدربت وانتهى الموضوع ..

لأنو بإختصار أنا حسيت انو البنت لمن تروح وتستشيرها في كل حاجه تعقد الأمور لكن لو جيتيلها جاهزه

ومتدربه ومجهزه موضوعك أو على الأقل بدأتي تدريبك رح تحس انك مهتمه وماعتقد أبدآ إنها تعترض على مجهودك ..

هذآ طبعاً من وجهة نظري ومن خِلآل إجتمآعاتها معآنا

أما بالنسبه للبنات اللي من خارج جده والله يابنات وربي شاهد عليا إني حاولت أساعدكم

وجلست أقولها طيب كيف يتواصلو معاكي وهم مايقدرو يجو جده ؟؟ قامت قالتلي أنا لما كنت طالبه

كنت أروح وأجي بنفسي وما أستنى أحد يساعدني واتعب ومدري إيه !!!

وبصراحه حسستني إني غلطت لما تكلمت :(

قالتلي يرسلولي ع الإيميل وأنا رح أرد ممكن أتأخر لكني أرد .. وقالت يرسلو مره واتنين وعشره الين أرد عليهم ...

لأنو ممكن الرساله تجي في الجنك ميل وما أشوفها !!

على العموم يَ بنـــــآت .. زي ماتفضلت الأخت ريفآن الله يجزآها خير

وجابتلكم الساعات المكتبيه لأنها غيرتهم وأمس في وحده من البنات خبرتني انو راحتلها الأربعاء ومالقيتها ..

يصير بإذن الله حنروحلها الثلآثـــآء ~

يآبنات أي شي تبغو تسألوها عنو أكتبولي هو هنا وأنا بإذن الله رح أحاول أوصلو لها وأجيبلكم إجابه ..

وأعذروني على تقصيري أمانه وأنا كل ما أقدر بدخل وأحاول أرد على إستفسآرآتكم ~

موفقيــــــــــن جَ ـــــــميعاً يآرب