[طموحة بجنون]

أختي اليوم رحت وسألت لك في العمادة
الكشف هو نفسه السجل الاكاديمي اللي فيه تفاصيل درجاتك وعدد الساعات
التقديم على شهر 7 راح يفتح وانتي حترفعي الاوراق لما يفتح التسجيل وحتلاقي ايش مطلوب من اوراق ثانية منك
الشيء الثاني معدل أقل شيء يكون جيد
الشيء الثالث سألتهم إذا تعادلت لك مواد وتقدري تأخذيهم في ترم قالت لي الموظفة حسب يعني تقصد لوقتها وتشوف ايش حيتعادل وعلى اساسه يقرروا تدرسيهم بترم أو بسنة كاملة
الشيء الرابع كلمتها انه انتي مسار علمي وحابه تتخصصي قانون على طول قالت لا ماتتخصصي إلا في تخصصات العلمي
يمكن الطالب اللي نقل تجربته فوق يكون سبحان الله لقي موظف متعاون وماعقدها معاها وربي فتحها عليه لأنه بصراحة في الجامعة تحصل مثل هذه الحالات حسب الموظف اللي تكون معاملتك عنده بس النظام لا وعلى فكرة اضرب لك مثلا انه التحويل من انتساب لانتظام لو جبيتي معدل عالي مسموح التحويل وبعض البنات يروحوا ويسألوا ويقولوا لهم مش مسموح ومع هذا تلاقي بنات كثير يحولوا فشوفي أحيانا بيعتمد الموضوع على الشخص اللي بتعاملي عنده لو تحبي تتأكدي أسألي عند عمادة الرجال وشوفوا ايش يقولوا لك .
بالتوفيق أختي ولو صادف وقابلت احد نفس حالتك راح ابلغك هنا والله يسهل أمرك