 رجاءا الي فاهم بالممنحه مامنحه او مجرب المنحه وانقبل وهو مو سعودي ..
ابي اكلمه خاآص ادا ممكن 
الصراحه اهلي مو من نوعيه الي يهتمو بالدراسه وانا ابي اسالك كم سوؤال
عشان لابغيت اباشر اهلي انو ابي اكمل جامعه و اخذ منحه اكون واثقه
بكل الي اقوله .. الله يعين بس
رجااءاا .. 
ردو لي خبر سريع
|
تفضلي واسألي عن اي شيئ راح تلقي له جواب عندنا ،،
اهو انا عندك غير سعودية وانقبلت قبل 3 اسابيع واداوم ..
عشان تدخلي الجامعه وتقدمي راح اقولك اش يلزمك ..
عندك نوعين من المنح عشان تقدمي عالجامعه ( منحة عن طريق الجامعه نفسها أو منحة عن طريق سفارة بلدك )
* عن طريق الجامعه نفسها :
طريقة التقديم : راح يفتح التقديم في شعبان للجامعه للسعوديين وغير السعوديين ،، بيفتح عن طريق موقع الجامعه يعني مايحتاج تروحي للجامعه بنفسك ولا شيئ ،، مجرد تدخلي بياناتك في الفترة المحددة وتقدمي ،،
قبول السعوديين بيطلع عادي بسرعه لهم ،
اما قبولنا احنا الغير سعوديين مايجي الا عالترم الثاني ،، يعني طول الترم الاول تنتظري وعالترم الثاني بيجي القبول .
احنا هالسنة درينا بالقبول في ثالث اسبوع في الترم الثاني وتممنا اجرائات قبولنا وداومنا الحمدلله ،
شروط القبول : لازم موزونك 50٪ ثنوي +20٪ تحصيلي +30٪ قدرات يكون 90 وفوق عشان تنقبلي في عبدالعزيز ومايقبلون اقل من كذا ،
الجامعات الثاني حسب كل جامعه كم تطلب من القدرات والتحصيلي والثنوي ويكون عندهم نسبة معينة مايقبلوا اقل منها ،
هذا بالنسبة للقبول عن طريق الجامعه نفسها .
.،.،
نجي للمنحة عن طريق السفارة حق بلدك :
لو كنتِ يمنية فالسفاره اليمنية يفتح التقديم في ياناير ويطلعوا اسماء المرشحين في مارس تقريباً ،،
والدوام يكون الترم الثاني من السنة الجاية ،
نفس الشيئ منحة السفاره تحسب الموزون زي الجامعه ،، يعني منحة السفارة في عبدالعزيز هالسنة ماقبلوا احد اقل من موزون 92 *ـ*
لو ماكتي يمنية اتصلي على سفارة بلدك واسأليهم اذا يقدموا منح او لا ،، اعرف بس السفاره الصومالية صارت تقدم منح ،
غير كذا ماعندي علم .
هذا المختصر عن التقديم وكيفيته ..
اي سؤال ثاني انا حااااااضرة ،، وبفيدك بأي شيئ تبيه .
موووفقه : )
لإنه إحنا كنا مثلك ومرينا بالمعاناة وطفشنا بعض الناس الله يجزيهم الخير بالأسئلة 
|
اي من جد في ناس نفسي اوصلهم واقولهم اسفة عالازعاج الي سببته تراني انقبلت
