تحية طيبة للجميع ..
لحظه يااخوان السالفه ومافيها اللي لنا سنتين تعبنا
من كثر ماتكلمنافيها وشي اكيد ان الاستمرار والالحاح بجانب المنطق والوضع المتغير بالتعليم العالي والعاموبكل حاجه في حياتنا وبشكل سريع مريع ومرير وجزء بسيط في تحسن مستمر ويالليل مطولك
رغم ان هالكلمه مع هالتطور في اللغه العاميه غرييبه ماطلعت جمله جديده مرادفه لها بالمعنى تحل
محلها ليش مدري ههههههه المهم .. السالفه ومافيها الغاء الرسوم وعلى الاقل تكون الثلاثه الاف
للترمين والغاء رسوم المناطق والاماكن الفاضيه قلناها من زمان موجوده وبدون تكاليف على
الجامعه هذا المطلوب , اما سالفه التقطيع بالجامعه وتشويه المحاضرين والخربطه
هذي ليس لها قيمه ولا تدعم الموضوع بل بالعكس .. لازم تطلع عيوب
الجامعه وتدني التدريس والخدمات ومو معترف فيها
ومدري ايش تعتبرها حجه عشان يخفضون
الرسوم ! وين ياعمي وش ذالتفكير
يااخي انا ماابي
ذالجامعه اذا سمعتها
سيئة والمحاضرين سيينيييين
والمناهج مدري ايش فيها والخدمات رايحه فيها
وحارسات الامن معاقين ذهنيا ولا يعرفون يتعاملون مع الجمهور
والاخلاق سيئة وايش كمان باقي ماقلتوه !! اذا الجامعه بنظركم كذا
لو الجامعه تعطيني ثلاث الاف عشان التحق فيها ماوافقت لاني في
النهاية ماراح استفيد حاجه بتاتا البته هههههه واصلا تخفيض الرسوم
ركزو معي اعيدها المطالبه بالغاء الرسوم او تخفيضها للنص
ماله علاقه نهائيا وابدا ابدا بسالفه ان الجامعه ماتصلح وكل
هالعيوب اللي ماقصرتوا نعتوها فيه , المطالبه يااخواني نابعه
من عدم القدره على دفع هالمبلغ من الطالب او الطالبه بس لااقل ولا اكثر
سواء الجامعه سيئة او رقم واحد بالعالم نأمل ان الرسوم تلغى او تقل يعني لاحد
يربط المطالبه بانقاص او الغاء الرسوم مع مستوى الجامعه التعليمي او
الخدمات المقدمه والوسائل المساعده نهائيا وارجوا من صاحب الموضوع
حذف الكلام اللي يحمل كلام او يحمل معناه كلام سيئ .. بالعكس الجامعه
جميله جدا وفي تطور مستمر وتعتبر الجامعه الاولى في دعم التعليم العالي
والتعليم المستمر ,, وهذي حقيقه ليست مجامله على كذا كأنك تقول
إن الطلاب اللي تخرجوا من هالجامعه فاشلين وغير نافعين بالمجتمع
ولا يستحقون الالتحاق بالوظائف ومافروسهم تعليم ولا فهم ولا ثقافه
هذا معنى كلامك وانتم لو افترضنا الغيت الرسوم وتخرجتوا من الجامعه
برضوا غير نافعين لابوظائف ولا في حاجه وشي طبيعي اذا الجامعه
وتعليمها وكل من فيها فاشلين اذا نحن فاشلون !! كلام مرفوض
جملتا وتفصيلا ولا اسمح لاي واحد يتكلم باهم والركيزه الاساسيه والرئيسيه
بالجامعه وهم هيئة التدريس الكرام ... لامانع من الملاحظات من اجل
الرقي بالجامعه وذكر السلبيات ,, غير كذا من حقي الشرعي كطالب
ادافع عن سمعة الجامعه اللي شهادتها بكرى بعد الله سبحانه وتعالى
سيكون لها الفضل في الاستمرار والعيش في هذه الحياة القصيره
تحيه للجميع ,, دمتم بسلام
واعذروني على الاخطاء الاملائيه اهم حاجه وصول المعنى