[سفيرة الاحلام]

المشاركة الأصلية كتبت بواسطة جنون الطفولة الموضوع فكرته حلوة جدًآ , والأحلى إنه كل اللي كتبوا مواقفهم وتجاربهم , أسهبوا بالوصف .. حتى إنطباعاتهم اللي وصلت لهم بعد كل موقف , nour al3mr يا سلام على روقانك , أتوقع ذي كانت أول مقابلة شخصية لك..صح ؟ بما إنّك مانمتِ حتى ولا تجهزتِي (مخيًا) بس أبغى أعقّب على موضوع الإنجليزي , هو فعلا ضروري وصار لازززم .. وللاسف أنا للآن ما أخذت (شهادة) لغة من معهد , بالرغم من إني في الاستب اختبرته مرتين ودرجاتي كانت 72 و 77 الحمدلله , وجالسة أرفق في خانة اللغة بالسيرة الذاتية هذه النقطة .. حتى يقضيَ الله أمرا كان مفعولا .. لكن لاززم أحصل عليه كـ شهادة لغة .. وماعرف كيف أو متى سفيرة الاحلام بصراحة ؟ ماشاءالله لا قوة إلا بالله عليكِ حصّنتك بالله من كل شر وسوء وعين عائن .. أتوقع تحضيرك لنفسك للمقابلة , تحضير ررائع , هو نموذج مبسط لتحضير الشّخص الذّكي بالبداية : موضوع كتاب لغة الجسد + الاسئلة اللي قرأتيها من النت وبعدها : هدوئك في المقابلة + ردودك منظمة + ثقة بالنفس + وضوح رؤيتك وهدفك لمستقبلك بدون أي تشويش وغموض + الصراحة والصدق. رائعه فعلا عجبني ردّك الدبلوماسي إنّه ماتطلبي تكوني محاضرة , (وممكن هم يقولوا مو مكانك) نقطة شغلك على نفسك وتطويرك لنفسك بحيث السي في استجد فيه جديد , مرة ماشاءالله روعة , وكمان قدوة قدووة .. حلوة المعاني مرة مهمة نقطة نقرأ في المهام الوظيفية للوظيفة اللي متقدمين عليها + أي شيء معاه .. يعني مثلا أنا مقدمة على خدمة عملاء .. وعندي في السيرة دورة خدمة عملاء + سكرتاريه أتوقع يسألوني ايش تعرفي عنها ؟ (يعني وقتها مع التجهيز نحتاج مراجعة بسيطة لمحتوى الدورة, بالذات لو ماعندنا خبرة فيها لسا) بس بصراحة حركتهم انه ما اتصلوا وجابوكي على الفاضي (مسخرة) لي عوده إن شاء الله

كلامك جنون الطفولة اخجلني..ويدل على شخصية فاهمة وذووق..
ربي يسعدك ويوفقك ويوفقني ويوفق الحلوات العسولات اللي منوورين المنتدى..وربي يعطينا على كثر طموحنا وتواضعنا ويحبب فينا خلقه..
ردك بجد نوّر كلامي وزادني ثقة بنفسي..سلمت اناملك وانار الله عقلك بكل خير