[zelme]

المشاركة الأصلية كتبت بواسطة samuraiq بس سؤال واحد ياخي مستقبلا وش تصير وظيفة المهندس ؟؟ يجلس فوق مكتب او ايش وش يسوي ؟؟ خصوصًا الكيمائية

الكمبيوتر اللي قاعد قدامه ميييييين صممه؟
السيارة اللي تركبها ميييييين صممه؟
الصابون اللي تتروشبه مييييييين صممه؟

بعد فضل الله سبحانه وتعالى، ياتي دور المهندس في تصميم ما يحتاجه الانسان في حياته اليومية
انا ما افاضل احد على احد، وكل تخصص له وظيف وتوجه وعمل معين
(تعريف بسيط) المهندس هو اللي يحولك المواد الخام الأولية الى منتج تستفيد منه

صراحة ما عندي المام كبير بكل تخصصات الهندسة، لكن اعطيك امثلة على تخصص الهندسة الكيميائية:
الهندسة الكيميائية يا طويل العمر لها اقسام كثيرة، لكن جامعاتنا تعطيك التخصص العام اللي تسمحلك بعد التخرج انك تشتغل في اي شركة تحتاج الى مهندس كيميائي
انت تدرس في هذا اتخصص: مواد تتعلق بالرياضيات بشكل اساسي، واساسيات في الفيزياء والكيمياء
وهناك فرق كبير بين قسم الكيمياء والهندسة الكيميائية(البعض يعتقد انها متماثلة) لا..
ابسط مثال الكيميائي هو اللي يحط مادة على مادة وتطلعلك مادة جديدة
اما المهندس الكيميائي هو اللي يصمم انبوبة الاختبار اللي يحط فيها الكيميائي المادة على المادة وتطلع مادة جديدة

بالعربي الكيميائي يهدف الى انتاج مواد جديدة واكتشافها والبحث عنها، اما المهندس الكيميائي فيقوم باخذ هذه المواد وتسخيرها في انتاج ما يحتاجه الطلب

ومن الامثلة على مجال عمل المهندس الكيميائي:
مصافي البترول، تحلية المياه، المفاعلات النووية، شركات الصناعة المختلفة(بتروكيماويات، أغذية، صوابين، شامبو...)

هذه مقدمة صغيووووونة عن الهندسة والهندسة الكيميائية
واتمنى من كل واحد منكم ان يفيد امته ومجتمعه بالتخصص اللي يحبه
فلا يحتقر احد منكم تخصص معين او يفاضل تخصص على تخصص، فكل تخصص يسد ثغرة من ثغرات الامة
واعلمو ان الاسلام ينتظركم، فشدو حيلكم واتوكلو على الله، واتسلحو بالعلم << نصيحة شايب خخ

اسال الله لكم التوفيق ولا تنسونا من الدعاء