[سهاام الليل]

المشاركة الأصلية كتبت بواسطة *flower* هلا بنات،، زي كتبت لكم ويمكن في ناس لسا ما نزلت جداولهم بس اكيد السبت حيكون الكل عارف مواده،، المهم انا تخرج بإذن الله وباقي 5مواد لقيتهم نزلو لي 3 مواد ولمن جيت اضيف ال2 الباقيه لقيتهم لسا مافتحو شعبها ،، موادي : ادارة مشاريع صغيرة -اتفاقيات في منظمة التجارة- ادارة اعمال في ثقافات متعددة - نظم معلومات- بحث وتدريب انتظر مشورتكم ,,

السلام عليكم ورحمة الله وبركاته
هلاحبيبتي الله يجعله احلى واسهل الاترام ويوفقكم يااارب
ادارة مشاريع خذيها مع خديجة ضباب بلا منازع هههههه طبعا اسئلة سهلة ومباشرة ومكرررررة
ادارة اعمال في ثقافات متعددة خذيها مع هند دمنهوري تحذف كثير من الكتاب وبرضو اسئلتها مكررة نفس حق السنوات اللي فاتت
نظم معلومات هذي المادة كانت معقدتني في حياتي وكنت اسميها المادة المكعب لانكتابها مكعب وجلست ااجلها واجلها واجلها الين اخذتها العام مع استاذة اقبال الصالح ماشاء الله تبارك الله اتعب اقول ذوق واخلاق وشرحها حلو واسئلتها مباشرة وحلووة مرررة يعني حسيت ان المادة حلوة ومفهومة بالرغم من انها طويييلة حبتين بس حلوة
البحث والتدريب اخذته مع استاذة دلال فتيحي كانت الله يسعدها متعاونة معانا جدا ومررررة طيوبة وحبوبة والتواصل معاها كان عبر الواتس ولو تبغاكي تستلمي اوراق او شي تحددلك موعد تجيها وتاخذي الاوراق كل ماتخلصي جزئية من التقرير ترسليه ايميلها وتعدلك او تقلك كملي بمنتهى الذوق والاخلاق ما شاء الله تبارك الله
وطبعا بفضل الله اخذت معاها a
اتمنى اني افدتك يااارب