[ற!Sš ღ ќћ ¹ ツ]

بذكر تجربتي مع استاذاتي ~

المحاسبه 101 : مع استاذه فاطمه كمال انسانه قمة في الروعه مشاءالله عليها مهما قلت ما بوفيها حقها
تفهم و تعيد الشرح لو ما فهمتي اسلوبها حلووو طلبت منا نجيب نوت صغير ونسجل القوانين و الاشياء المهمه
سهلت لنا الماده كثير حبييييتها و اي ماده راح تتدرسها باخذها معها دون تفكير ..
بالنسبه للماده احضري المحاضرات اول باول و ذاكريها قبل الاختبار بوقت بتنجحي بتفوق ان شاءالله
انا ظروفي منعتني احضر و ما قدرت اذاكر الا قبل الاختبار باسبوع بس الحمدالله ربي اكرمني و جبت الـ a
اسئلة الاختبار كانت سهله وواضحه و عددها اظن 40 او 50 مو فاكره .

اقتصاد جزئي : كوثر شغراب شرحها واضح وذاكرت من شرائحها و جات منها في الاختبار ماده سهله بس ذاكريها من بدري مو يوم الاختبار
الاسئله كانت 50 سؤال السؤال الاخير كان مسئله عباره عن جدول و فقرات ها السؤال 10
يعني لو مو مذاكره زين جبتي العيد بجداره
احنا الاستاذه قالتلنا انها بتجيب ها الجدول بس حظي السعيد اكرمني و نسيت القوانين
و حليت شختك بختك و الحمد الله عدت .

علوم اداريه ( مبادى الاداره الحديثه ) : اخذتها مع سلافه فيومي مدري ما عجبتني حسيتها تقرا من الكتاب
حضرت محاضرتين معها بس وبطلت منها وطبعت شرايح مرام ماهين و ذاكرتها و الحمدالله اخذت فيها b+
بس الماده تحتاج مذاكره منهجها كثييير و يبغالها وقت في الاختبار كانت في عبارات مبهمه بالنسبه للبنات و لي كمان
ولما جات الاستاذه سلافه سئلتها البنت وش مبادعه او ابداع و الله ناسيه الكلمه المهم
قالتلها نفس مبادئ و مو لازم نكتب لكم الاسئله نفس الكتاب انتي افهمي و حلي
يعني كانو مغيرين في صيغ المسطلحات وكان عدد الاسئله 80 سؤال .

الثقافه 102 : مايحتاج محاضرات الماده سهله و واضحه بس ذاكريها من بدري انا ذاكرتها قبل الاختبار بيوم
و كنت بجيب العيد فيها حفظ كثير و تحتاج تركيز بس الحمد الله عديتها بسلام
الاسئله حلوه و سهله للي مذاكر اما اذا ماكنتي مذاكره زيي بتخبصين شوي
جابوا سؤال فيه دليل للي يسئلوا ديم الادله تجي في الاختبار او لا وعدد الاسئله 50 اعتقد .

العربي 101 : اخذته مع الاستاذه رضيه باحميد مررره حلو شرحها صحيح سريعه بس تفهم وتبسط
ذاكرت من شرايحها و جابت نفس الامثله في الاختبار و ان شاءالله بنزل معها 102 .

علوم سياسيه : مع امل عرب و قصتها قصه .. شرحها حلوا و تبسط الماده كثير و تفهمك ..
بس ورطتنا في الاختبار حذفت كثير اشياء و قالت انا الي راح احط الاسئله و لا تخافوا ذاكرو بس الي قلت عليه مهم
و يوم الاختبار جاء من الاجزاء المحذوفها بس الي ساعدنا انها كانت 100 سؤال و الحمدالله جبت درجات
بس مع هذا ناويه انزل سياسي سعودي معاها ان شاءالله .


ملاحظه :( الي اخذوا علوم سياسيه انصحهم ينزلوا سياسي سعودي لانه قريبن من بعض المنهجين و راح يكون سهل بما انه اخذنا السياسه قبل ).

بالنسبه للاسئله كانت كلها موحده و اختياري
عشان كذا مقدر احكم على الاستاذات من ناحية الاسئله .

ان شاءالله اكون افدتكم بتجربتي و بالتوفيق للجمع يارب