الفزعة الفزعة!
بسم الله الرحمن الرحيم
السلام عليكم ورحمة الله
ياأخواني وأخواتي طلاب وطالبات الإنتظام قسم إدارة أعمال/حبذا دفعة 2009 مسار إدارة أعمال دولية
دحين أنا بقيتلي 4 مواد على التخرج بإذن الواحد الأحد(مالية دولية,مقرر حر,ادارة استراتيجية في البيئة العالمية,بحوث عمليات)
ضفت من مافتح الحذف والإضافة بحوث عمليات وإدارة استراتيجية أوك تمااام
بقي مقرر حر من الجامعة ومالية دولية شعبتين مقفلة
روحت الجامعة ضفتهم رجعت البيت مانزلوا في الجدول بس ألاقيهم لمن أدخل في الحذف والإضافة كاتبلي الإسقاط/الحذف والمادتين بدون حساب للساعات.
استفسرت قالولي المقرر الحر اللي اخترتيه مقفل غيريه وبالفعل أخدت مادة حر صعبة عشان اتخرج,انضافت وبقي المالية كل يوم أعبي ورق عشان يضيفوها ماتنزل
روحت اليوم للشؤون التعليمية قالولي المادة صفرنا شعبها مافيها أحد,أطلعي فوق عبي ورقة انك تخرج وتبيها ودا اللي سويته
رجعت البيت لقيت عندي صار بس مادتين وإدارة إستراتيجية في البيئة العالمية طلعوني منها مع العلم إنها موجودة في قائمة الشعب وطبعااا مالية دولية كمان مافي!!!!!!!!
يا جماعة الخير أنا هتجنن الله يرضا عليكم ساعدوني تعبت أنا أضطريت أعتذر الترم الأول بسبب تعارض مادتين وبعد تسليم معروض وكم ورقة ماوصلولي لحل
ودحين تتقفل شعب في وجهي بل وأنطرد منها؟
الله يجزا الجنان اللي يساعدني,أرجوكم لاتبخلوا بالنصايح أنا اتعقدت من الجامعة
|