السلام عليكم و رحمه الله و بركاته
انا ناويه ارفع معدلي باذن الله لانه صراحه نزل كثير :(
انا طالبه بالمستوى السادس بس في مواد ماخدتها من المستويات السابقه اللي هيا اقتصاد جزئي و قانون اداري و خدمه مدنيه و اداره محليه و تنميه موارد بشريه... انا فاهمه اني راح اتاخر بلتخرج بس ميب مشكله لانوا هدفي اتخرج بمعدل كويس ( دعواتكم )
المهم فكرت دا الترم اخد تطوير تنظيمي طبعا الماده دي المره التانيه اللي اخدها لاني حملتها من الترم اللي فات :(
و اساليب و طرق العمل و ثقافه اسلاميه 3 و افكر اخد ماده حره بس محتاره ( ب ايش تنصحوني )
و فكرت اخد قراءات اداريه بالانجليزي لاني كويسه بالانجليزي
و افكر اخد ماده سادسه يا اقتصاد جزئي / التخطيط الاستراتيجي / خدمه مدنيه .( ولا تنصحوني اخد ماده غير اللي قلتهم )
بليييييييز ساعدوني متوهقه و مرا ضايق صدري بسبب المعدل النازل و نفسي ارفعه بس احس انو 6 مواد كثير بس انا مطره اخد سته مواد في ترمين اقل شي :(
|
شوفي حبيبتي اقتصاد جزئى ناويه اخدها هذا السميستر مع الاستاده كوثر شغراب الكل يمدحها ا
اخذت الخدمه المدنيه مع الاستاده سناء باناجه وما نصحك فيها ابدا وفي وحده اسمها رزان برضو الكل يحذر منها بس للامانه ما جربتها
والتقافه الاسلاميه خذي مع الاستاده مريم السباعي ممتازه تسوي مراجعه وتاشر بعض النقاط المهمه او عايده فلمبان الله يسعده كثير اشيا قالت ركزوا عليها وفعلا جات بالامتحان
قانون اداري خيذيها مع الاستاده صباح المصري قمه الله يسعدها وتعطي اسئله في كل محاضره والمذاكره من العرض والاسيله الى تعطيكي هيا وتضمني علامه عاليه باذن الله هذا الي اعرفه والبنات يساعدوكي في باقي المواد
كنت حابه اسالك عند مين اخذتي تطوير تنظيمي لان البنات نصحوني اخذها عند سلوى اعظم