رد: يآليت خطة أ يخشون
هلآ أختي حياك الله
بالنسبة لخطة أ
حلوة وسهلة لكن متعبة من ناحية الضغط
نبدأ بأول مادة :
رياضيات : مادة سهلة وحلوة ويبغالها شدة حيل حبتين ما تحتاجين مدرسة خصوصية بس ركزي في المحاظرة
واذا عندك أي سؤال أسألي الأستاذة وقت المحاظرة ولا تستحين
طريقة المذاكرة تكون اسبوعية بمعنى يوم الخميس امسكي محاظرات الأسبوع اللي راح وذاكريها
بكذا تكون الإختبارات الدورية سهلة عليك وما تتعبين في المذاكرة .
كنت مع الأستاذة ( سها حمدان ) إنطباعي عنها
استاذة راقية تشرح من قلب وضمير صاحي وتعيد في الشرح إلى أن تفهمين ماعندها اي مشاكل
-
عربي : هذي المادة جدا جداً جميلة وحلوة و ممتعة بنفس الوقت لو كانت خلفيتك في الثانوي جيدة
يبغالها حفظ + فهم وتدوين ملاحظات مع الأستاذة
انا كنت اكتب شرح الأستاذة وجدا فادني لأنه ما كنت افهم من شرح الكتاب أحياناً
و الأختبارات الدورية سسسهلة وتجيبي الفل مارك بإذن الله .
كنت مع أستاذة ( عائشة أحمد باوزير ) شرحها رائع وتسوي خريطة ذهنية على السبورة
ومرنة مع البنات ونصائحها من ذهب اسمعيلها كويس
-
حاسب : اكره ماده على قلبي لكن حلوة والأسئلة كانت سهلة مو ذيك الصعوبه
-
ثقافة : ماذة مملة أهم شيء حفظ الملخص اللي آخر الكتاب + قراءة بتركيز للمحتوى الدرسسّ
خُطة سّهلة لآ تشيلين هم
الله يوفقك يوفتحها عليك يارب
|