[Xx-GodFather-xX]

الحمدلله طلعت النتايج .. والاحصاء اللي كنا خايفين منه عديناه يالله لك الحمد والشكر ..

فاللي مستعد يبادل كتب .. ياليت يكلمني هنا .. في الموضوع

والعذر والسموحه للي ارسل لي رساله وما قدرت ارد عليه .. بس والله مو تقصير .. لكن ما وصلت عدد المشاركات المطلوبه .. اللي تنفتح لي بعدها خدمة ارسال الرسائل الخاصه ..
اكرر اسفي ..

الموهم انا عندي الكتب الثلاثه كلها .. الطبعه المطلوبه .. آخر طبعه من كل ماده ..

وجمعت ملخصات المواد كلها وأسئلة الاختبارات النهائيه في سي دي .. للي بياخذ الكتب عشان يستفيد منها باذن الله ..

وحتى لو فيه أحد محتاج الكتب ولا يبغى يبادل .. يبلغني عالخاص تكفوون ^_^ ويرسل لي رقمه وانا اتفاهم معاه بطريقة الارسال ..


لانه كلنا عارفين ( ان الكتب هذي بعد سنه او سنتين ما راح تكون مطلوبه من الجامعه ) لان الجامعات غالبا تطلب الطبعة الاخيره من أي منهج أو أي كتاب .. وبرضو المؤلف يحاول يعدل الطبعه كل سنتين .. ( لأغراض تسويقيه ) ولتلافي أخطاء كانت في الكتاب .. وغالبا ما يكون للإضافه على المنهج أو الحذف منه ..

^_^

النقطه اللي ابغى اوصل لها انه ( حرام تقعد الكتب عندنا وحنا ما نستخدمها وفيه غيرنا محتاجها ) حتى لو كان قادر على دفع قيمتها ..

لاني بصراحه أشوف انه من الأنانيه اني أخلي الكتب بالأدراج من غير حاجه ..
ومن التبذير ان اخواني يشترون هالكتب وهي متواجده عندي ..

فتكفون اي واحد ما اشترى الكتب .. ويبغى الكتب اللي عندي يبلغني سواء هنا او على الخاص

ولازم أحطكم بالصوره .. الكتب اللي عندي أنا أتحمس مع القرايه واخطط الاشياء المهمه .. فاللي يحب الكتاب يكون جديد وما فيه ولا خط .. ما انصحه باللي عندي ^_^

وبالتوفيق للجميع يارب