صباح السعادة
كيفكم
ايش اخبار القدرات ؟؟ ماباقي شي على الاختبار شدو حيلك
اليوم حبيت استشيركم بشي
بما انو اليوم اول يوم بشهر 3
وانا احب اجلس كل شهل باول يوم اعمل خطط و اهداف شهرية
طبعا اليوم دا مررررر بدو اي مذاكرة للقدرات
وماسويت ولاشي غـــــير انــــــي
قررت قـــــــــــــراار "جداخطير" ...
0.0
قرار مصيري يخص مستقبلــي (o.0)
و قعدت افكــــــــــــرررر وصلت للقرار هذا
قررت اني اسجل بالجامعة السعودية الالكترونية
(o.0)
مادري اش فيني,,!!!! يمكن لاني طفشششت من المذاكرة للقدرات و جلست افكر كمان كيف حذآآاكر لتحصيلى وكيف حستحمل واصبر الترم الجاي مع ترم تاني من السنة الجاية وعلى داك الوقت يكون عمري 22سنة
وقلت خليني اختصر على نفسي مدام في طريق تاني للانتظام وفيه تخصص حاسب"علومحاسب وit" وبتكاليف ورسوم بسطة ماتتعدى ال2000
مع اني من البداية شايلة فكرة الجامعة دي نهائيا من دماغي
وما فكرت فيها ولا يوم
بحكم انها حديثة الانشاء واول سنة ليها
>,< ودايما يخيل لي بأن نظامها شبيه بنظام التعليم عن بعد او الانتساب
وانا اساسا شايلة فكرة الانتساب من راسي,,
وما راح اسمح لنفسي اني اقبل باقل من الانتظام وتخصص علمي زي الحاسب مهما صار
ووو وجلست فترة طويلة افكـر في الاسباب اللي تخليتي اقتنع بيها وادخلها ,,
اولاً/انو مدام الجامعة شهادتها انتــــــــظام ومعترف بها من قبل وزارة التعليم العالي
وبعد ماسئلت عنها حسيت انومستقبل الجامعة ممتاز جدا
وتانيا/القبول فيها على طول من اول ترم مو زي جامعة عزووز
الي حنتظر ترم تااانى وفوق دا تخصص تقنية معلومات اخلصو بعد 5 سنين
:(
يعني اتخرج وعمري قريب 27 سنة 0.0
اما في دي الجامعة حخلصو ب4 سنين مع التحضيرية.. وكمان التحضيري اسهل من عزوز يعني ماناخد كيميا وفيزيا واحياء باللانقلش
صحيح انو عندهم شروط مرة صعبة زي اجتياز اختبار التوفل والحصول على 500 واكثر فيه
بس دا شي كويس انو الانجليزية حقتي حتتحسن وبكدا اكون ضربت عصفورين بحجر
لغة انجليزية جيدة+تخصص حاسب
وووكمان رسوم الجامعة جدا بسييطة وماهي مكلفة "1690"ريال فقط لترم التحضيري
وكمان ليها فروع بكل المدن يعني ماراح اشيل هم النقل لو رحلنا لمكة او المينة او اي مدينة تانية
بصراحة مادري احس اني متردةة ,, لان زي مافيها مميزات وايجابيات اكيد فيها سلبيات
وما ابغى اخد قرار زي كدا وبعدين اندم
احس انو الدخول للجامعة هادي مغامرة
انتو ايش رايكم .. حابة اخد رايكم ,, ساعدوني مرة محتارة
