[om_assil]

اولا السلام عليكم ورحمة الله وبركاته ثانيا اهنيء كل اللي طلعتهم درجاتهم وكانوا ناجين وهارد لك للي ماعدوا في الاختبارات وبالتوفيق في المره الجايه.
ثالثا حبيت اننا نتناقش في موضوع اتكلمنا فيه كثير وبدون فايده وحصل فيه للغط كثير بدون وصول لاي نتيجة وهو اعتماد شهادة التعليم عن بعد, اخواتي واخواني الاعزاء خلصت الاختبارات وخلص ترم والايام بتسحب بعض وفجأة هنحصل نفسنا خلصت سنه والسنه هتجر السنه وهيفضل كل شي على حاله لان الموضوع هذا له سنين وماانحل ولو ما احنا اللي اتحركنا وطالبنا بحل جذري هيجلس كم سنه وهو على حاله فأنا عندي اقتراح بسيط واتمنى من احد الشباب انه يتبنى الفكره لانه بالنسبه لنا البنات هيكو صعب بس هنتعاون معاكم وهو اننا نرفع قضيه في ديوان المظالم على الجامعة وانا اشوف انه هو هذا الحل الاخير لنا وطبعا لازم يكون في تنسيق بين البنات والاولاد عشان نخلص من هذا الموضوع ولو احد عنده محامي كويس وشاطر يقولنا وطبعا كل اللي هيشارك في الموضوع هيشارك في رسوم المحامي يعني كل شي هيكون مناصفه بين الجميع عشان يكون لا ضرر ولا ضرار واتمنى ان المره هذي نحل الموضوع بشكل جذري وبلاش الكلام الكثير اللي لا بيحل ولا بيربط وبينا وبين الكذب محكمه تجيب لكل واحد حقه.
اتمنى كل واحد يدلو بدلوه بدون تجريح