1-
وش كان توقعك عن التحضيريه قبل ما تدخلها ؟ و هل كان توقعك مثل ماهو او غير ؟ -
تكلم بالتفصيل –
كان توقعي انهاا مرة صعبة وهما حاطينها بالعنية عشاان ينقصو البناات
بس طلعت حلوة وسهلة علما انو انا خطة أ الحممد لله كانت حلوة
2-
لو رجع الزمن فيك سنة لـ ورى ، هل بتدخل جامعه الموؤسس ؟ و ليـه ؟؟
ايوة ..عشااان المكافاة
امزح
لانو دراستها بجد مو زي ماسمعت عنها كنت ادخل النت اقرأ عن الجامعة واسمع انو تدريسها صعب وموادها مرررة صعبة بس طلعت الحممد لله مرة حلوة
3-
هل كنت محدد ميولك وتخصصك قبل ان تبدآ بمشروع التحضيريه ؟
ايوة تربية خاصة ان شاء الله اذا ما جبت معدل حدوور تخصص تاني يعجبني ..
كلامي انو اذا ما جبت معدل مو معناتوو انو دراستها صعبة
4-
رآيك الصريح ف .. / تعاون دكاترة القسم / سهولة المواد / .. "
على حسب الدكتورة في دكتورات من جد غصبن عنكك حتحب المادة بسببها وفي دكتورات العكس تكره المادة بسببها
5-
دوام التحضيري .. كيف تشوفه ؟ ضغط أو بالنسبة لك أريح ؟
اككيد مررة ضغط من 8 ل 4
وانا الحمد لله كان عندي يومين في الاسبوع اخرج 4
وثلاث ايام اخرج 3
حت كلمت استاذتي قالت لي انو اقدر اقدم كل محاضرة عادي من 1ل 2 يسر ثلاثة ايام اخرج 2 ويومين 4
6-
الاختبارات الدوريه و النهائية .. كيف تشوف مستوى اسئلتهـا ؟
عادية انت وحظك ايش يجيك من بنك الاسئلة لانو الاختبارات الكترونية غير الرياضيات
والرياضيات جداا سهل الحممد لله
7-
رأيك بـ اعضاء هيئة التدريس بـ التحضيري ؟ " الادارة / الدكاترة / المعيدين "
انت وحظكك دكاترتك او المعيدين كيف يجووك
وبالنسبة للادراة في بعض الادرايات تعاملهم حلوو في بعضهم تعاملهم زي وجههم نفسهم في خشمهم
8-
معدلك المبدئ .. لـ الترم هذا يوازي طموحاتك ؟ أو اقل من المتوقع ؟ ، و برأيك وش السبب في ارتفاع معدلك او نزوله ؟
لساا ماطلعت كل النتايج عشان احسب المعدل لاكن اول ما دخلت التحضيري قلت اني حجيب فووق ال 4.50 لكن لمن دخلت اهملت شويتين يعني ادرس بس في الدوري و والنهائي وغير كدة ما امسك الكتب نادرا امسك الرياضيات واحيان الانقليزي
9-
مقررات التحضيري .. في أول سنة هل تشوف انها مفيده ؟ او مجرد مواد عامـة ؟
موااد عامةة مالها داعي
10 -
بالنسبة لك ، وش اضافة لك التحضيريه حتى الآن من مهارات او اشيآء جديده ؟
ولا شي غير صحباات زي العسل
وغير كدة هدة حيل
ويمكن اعطتني ايحاء انو الجامعة سهلةة عن ما توقعتها
11-
تكلم عن كل مآده على حدده - بالتفصيل - ؟
انا درست خطة أ لسا ما اعرف مواد خطة ب
خطتي فيها :
رياضيات : انا كنت ادبي بس مع كدة كانت المادة جدا حلوة بالنسبة ليا على عكس صحباتي كانت مررة مو عاجبتهم ويمكن الي ساعدني بعد ربنا استاذتي وكممان كتير اشياء محذووفة من المنهج
ثقافة : مررة حلوة ووممتعة صح نصيحة لاتسمعو الكلام اللي يقولكم ذاكرو خلاصة الكتاب من ورا لا ذاكروه كلوو ترى يجيبو اسئلة من نص الكتاب ..
عربي : كنت في الثانوي اعشق العربي دخلت الجامعة جاتني دكتورة مررة ما تساعد الواحد انو يفهم رغم انها طيبة ما كنت افهم منها رغم انو البناات كانو كتير عاجبهم العربي ويمكن العيب مني لاني مرة اهملت
حاسب : نفس الثانوي بس توزيع الدرجات فيه كدة
دوري اول نظري :10 درجات
دوري اول عملي : 25 درجة
دوري تاني نظري :10 درجات
دوري تاني عملي :25 درجة
النهائي : 30 درجة
انا ماكنت اعرف للاكسل مرررة وماكنت اصلا معاها في الكلاس اشغل نفسي في اي شي
بس عمووما مادة سهلة تعتبر
النظري حقها يجي من الجزء العملي
الحلو فيهاا انو اللي ذاكرتيه في الدوري الاول والتاني ما تذاكريه في النهائئي
يعني اللي اختبرتي فيه ما ترجعي تختبريه
الانقليزي : رغم اني ما يعتبر سهل نوعا ماا بالنسبة للي يزاكرو اول باول اكببر عيب فيه وقتو مرة طويل يعني يا من 8 ل 11
او من 11 ل 4 وهذا الوقت يجيب المرض
11-
نصيحة .. ممكن تقدمها للطلاب المستجدين في التحضيري .. ؟