[سعاده السيد]

السلام عليكم اخواتي

كيفكم وكيف حالكم ..

اول شي بقولكم اخباري امس رحت للدكتوره ولقيتها زحمه كل الناس بيضعفون المهم للان ماجيتها بس وزني نازل لاني اخفف اكلي ..

عاد ما ابي اطولها وهي قصيره لقيت وحده من البنات في الاستراحه حقت المستشفى ماعرفتها وهي عليها عبايتها اجل ومن تحت العبايه كيف شكلها ؟

وبصراحه علشانه طيبه وملتزمه علمتي بالسر الي ضعفها قالت انها تسوي نظام تخفيف لأكل وانها تصوم كل اثنين وخميس ادعوا معي ان الله يوفقها .

وقالت استخدم اللحين اللوبيا مع الرياضه عاد انا دقرت هنا وشهوووو ؟؟

انفجعت مني ومن صيحتي بس سميت عليها

الاجوديه قالت لي هذي خلطه تشد جسمك وهي لوبيا تطحنينها وتعجنينها مع زيت زيتون وملعقة اكل خل اي خل تقول ماهنا فرق كثير.

عاد اشتغلت الاسئله عندي

قلت ريحتها

قالت بأمكانك تحطين زعفران او ماء كادي او دهن عود اذا تبغين لاكن انتبهي تحسسين من العطور ويحمر جلدك .

حتى انها تقول انها تحطها في عضد يدها واشتد كثير من لقافتي مسكتها الادميه ضعفانه كثير وكنها تسوي رياضه ماحسيت انها زيي وزي شحومي الي نازله لأبطي

عاد قلت طيب اردافي احطها عليها قالت لي اذا تبغين تشدين لان هذي الخلطه تشد الجلد والترهل لكن الارداف ماتترهل زي يدك وبطنك وفخذك .

.
وقلت لها الله يجزاك خير وانا استخدم شاي الشمر لاني سمعت انه يشد بس ما طولت عليه لاكن يمدحونه كثير

قلت يالله خليني افتح الانترنت وابحث عنها ولقيت خلطتها في منتديات ثانيه كاتبين عنها

بس انا للان مالقيت اللوبيا كل ما اجي محل يقولون لي خلص مدري وش سالفتهم .

بس يابنات انا راح اجربها وانتم جربوها وخلونا نشوف كيف بنصير .

والي عندها اضافه تضيفها انا بجربها وبشرب شاهي الشمر معها .
للامانه منقول من منتدى للاخت كيوتو والله ولي التوفيق