المشروع
حتطلب منكم الدكتورة مشروع تشتغلوا عليه طول الترم يكون تطبيق للمادة
المشروع يكون قروب من 4 الى 6 او 7 طالبات وعليه 30 درجة
المطلوب انكم تصمموا نظام لاي شي .. الخيار لكم
في ناس عملت لصالون وفي لشركة سياحة او العاب .. ما يفرق لانه الشغل والخطوات وحدة
بس حاولوا يكون حجمه متوسط عشان لا تتعبوا فيه
البروجكت يتسلم على مرحلتين .. قبل كل مرحلة حتوضح لكم اش المطلوب يتسلم ومتى
نصيحة لكم ابدأوا من بدري في المشروع عشان الامتحان
مرررة حيفرق معاكم لو بدأتوا تطبقوا على المشروع قبل الامتحان .. حتفستفيدوا اكتر وحيسهل عليكم
ولا تشيلوا هم ابداا .. الكل تقريبا بياخد الفل مارك في المشروع
اذا سلم الشغل كامل (بكل الخطوات المطلوبة) وفي وقته بغض النظر اذا في اخطاء او لا
اذا في اخطاء في التحليل او التصميم .. رح تصححها لكم الدكتورة وتنبهكم عليها بس ما تنقصوا
|