بقولها له بعد ماقالها صمته
جعله سـعــيد وبـعـيد وخاطري سالي
مادام صوت العقل بالحب حكمته
يسمحلي القلب احطم برجه العالي
شيء من الماضي لباكر تعلمته
من مابقالي غلا مابيه يبقالي
شاب الغلا يحسن الرحمن خاتمته
رفيقي اول مهو رفيقي التالي
ماهم قلبي خطا غيره ولا لمته
ماتشره الا علي رفيقك الغالي
تجاوزي عن خطا غيري تعاظمته
لاشفت نظراتنا بعيون عذالي
هذاك ظالم وهذا الناس ظالمته
قلي من أللي من هموم الزمن خالي
ماكل ماجال بالخاطر تكلمته
بعض الحكي ماتكلمته وأنا لحالي
إن كانه الحب ذاك اللي توهمته
ياكثر ماخالفت اقوالي أفعالي
او كانه الحب ذاك اللي تألمته
لاعاده الله غلا لاماتت آمالي
اللي تنكر وانا بالحب كرمته
مابيه لقفيت ينشدني عن أحوالي
عشره وراحت مثل حلم تحلمته
هانت على من جرحني ليلة وصالي
ياللي بالآحزان والآفراح قاسمته
ابشرك مر يوم ومنت في بالي
كلمات الامير سعد بن سعود
راقت لي