[girl.k.s.a]

السمستر الخآمس :

يعتبر من أصعب وأسوء السمسترآت اللي مرت عليآ للأسف لكن الحمدلله
أنجزت إنجآز وبإذن الله نآجحه لكن على قد مجهودي يعني من هالسمستر أحس رآح يطيروآ
أهل البونس
مو مشكلة بإذن الله السمستر الجآي حيكون أحلى بحكم إننآ مستقرين في تخصصآتنآ


نبدأ بـ /

تمويل 230

المآدة فيها شويآ من المحآسبة =) لهآ مليون ألف كتآب وكل شويآ يغيروه
في البدآية حتكون المآدة صعبة لكن مع المذآكرة والتمآرين الكتيرة تلقوهآ تآفهه جداً
أخذت المآدة مع صآيمه جآفيد دكتورة طيبة متفهمة لو قولتلي لها أبغى أختبر
مع الشعبة التآنية احتمآل توآفق لك حظوظ يعني جربي حظك لكن أنا أفضل إنكم تختبروآ
في شعبتكم لأنو أنا أختبرت في شعبة تآنية وأتورطت بالأسئلة
المهم الحضور كآنت تحآسب عليه في بدآية السمستر بس وعندنآ نوتز نحل فيه تمارين لكل شآبتر
والأفضل تحلوهـ كل يوم بيومو مآ أدري إذآ كآن في بونس أو لا لأني خبصت بالفاينل
الشرح نخلص شآبتر كآمل في يوم بدون حل تمارين طبعاً < هآدآ في شعبتنآ
لأنهآ على آخر محآضرة لكن النآس التآنية تحل معاهم يعني اللي يبغى معاها لازم يآخد محاضرة
بدري شويا يعني من 11 عشآن تشوفو وضع اللي قبلكم في الاختبارات خخخخ
المهم ايش كمآن أنا كونت مو متقبلة المادة بس لمآ طبعت السلايدات وحاولت أفهم حتى لو مو عارفة
إيش تقول أحآول وأكتب أي شي أي كومنت عن طريقة مسألة والا لما تقول مههههم < ترى يجي =)
والحمدلله مشينا
أعطيهآ 8 من 10
أما د. خديجة حريري مآ أعرفهآ بس أحس إنهآ أفضل في الشرح =)
لأنها في الفآينل جآت شرحت لنآ معلومة صآيمه ما عرفت كيف توصلهآ
والله أعلم



تسويق 260

أهلا أهلا ههههههههههههه
المآدة زي الإدآرة بس أحلى شويآ =)
أخذت المآدة مع دكتورة نعيمة البوقري
دكتورة تحب الإنضبآط في الموآعيد مآشآء الله مآ تتأخر عن المحآضرة كتير
و لو جيتي متأخر خدي لك كلمة حلوة وأدخلي لكنهآ طيووووووووبة وربي عكس اللي
يقولوه البنآت
في الدرجآت حقآنية فيهآ يعني الوآجب لما تحليه لازم مآ يكون من النت ولا منقوش من وحدآ
تحآسبك على الحل في يدها 20 درجة 5 كويز وكآن من التست تقريباً و 10 مشآركة
مآ أعطتهآ إلا للي حضورهآ تمااام واللي يحضّر الدرس قبل المحآضرة واللي يذآكر بعد نهآية كل شآبتر
لأنهآ تسأل وممكن تعمل كويز مفاجئ لكن الحمدلله ما عملتو لنآ
كدآ تضمني 10 واللي مفهية شويآ حدهآ 8 < حلوة الدرجة
طبعا هيآ رئيسة قسم التسويق وأظن هيا اللي تحط الأسئلة
الأسئلة دآيماً تجي من التست لكن لازم كم سؤال من الكتآب أو من التست الطويل
شرحهآ عآدي اللي لغتهم الانقلش بسيطة رآح ينبسطوآ كتير معاها وراح يفهموآ منهآ
ولازم لما تقولكم أكتبوا أسمائكم وحطوهآ على الطآولة أعملوها وحطوآ أسمائكم كل كلاس
لأنهآ تنتبه ومرآ كتبت أسماء البنآت اللي حآطين أسمائهم
ولازم تتبعوآ كل شي بتقولو ومحد يحضّر أحد تآني لأنها تكفش خخخخ
ولو حضرتي زميلتك ضروري تروحي تقوليلها أنا وتعتذري
وما ترضى أحد من البنات يجي محاضرتها ويستأذن ويعطي أحد كتاب والا شي لأنها تقولهم لا = (
والكتاب ضروري تشتروه خخخخخ
أعطيهآ 9 من 10
ومآ أعرف أحد تآني يدرس تسويق



إعداد تقارير 203
المآدة أسهل من انقلش 2 بمليون مرا ولا حق الاسم المعقد خخخخخخ
أخذتهآ مع مس عآلية صديقي
شرحهآ جميييييل تفصّل لك كل شي وأحلى شي فيهآ إنو الكتآب الصغير ما تمسكو خخخ وتحدد لك الفوكآبلري
اللي حيجي منو في الكويزآت
أسئلتهآ مع كل كويز تصعب أكتر
يعني أول كويز حلاوة تآني كويز بدأ التخبيص وبدأت تلعب شويآ معانا
مآ أعرف كيف تحط المشآركة والدرجآت كولهآ على أي أسآس ؟!!!
تعطي رآيتنق كل فترة ويكون جمآعي وعليه درجآت وكمآن في شي اسمو جورنل كآنت تعطينآ
هوآ بدآية السمستر اللي هوآ عبارة عن سؤال كل بعد كم محاضرة وتعطيك 5 دقايق تحلي
طبعا السؤال هادا رآيتنق بس في الأخير ما تآخدوآ منك تقول هادا لك عشآن تطوري الرايتنق تبعك
أحلى شي فيهآ في البرزنتيشن تعمل لك ريهيرسل قبل البرزنتيشن الأساسي
وتطلع لك الأخطآء وتتدربي يصير في الأخير تقدميه بعد تدريب وبإذن الله فل مآرك
الحضور أحلى شي فيهآ لو دخلتي متأخر شويآ تنآدي الأسماء واللي جآت ما تحسبهآ غياب
أدخلي لكن لا تقولي السلام عليكم عشآن لا تقطعي عليها الشرح
أنتبهوآ تحضّرو صديقآتكم لأنها تعد كم طآلبة ولو كفشت أحد الله يستر عليه ما تنسآه وكمآن الاتنين ينحطو غياب
دآيما تغيب خخخ وهادا شي جميل لأنو أصلا المنهج قليل بس 12 يونت
وأهم شي لآ أحد يهرج في كلاسهآ و تحب تنكت شويآ مع سمآجة =/
ولازم تستأذني لو مآ كونتي من نفس الكلاس
أعطيهآ 8 من 10
وأنصحكم بـ مس مأرب مرآ طيوبه وتجنن


نظم معلومآت 250
المآدة كآنت ررررررررررعب في بدآية السمستر لكن على الدوري التآني صآرت حلوة
أخذتهآ مع دكتورة سحر أمين طيوبة لكن كلامهآ سريع مرآ مآشآء الله ومرآ شديدة
أتحدى لو فهمتي شي منها ههههه مآشآء الله وللأسف ما تقدر تبطء السرعة
ممكن على نص السمستر تتعودي وفي الأخير مصيرك للكتاب
البرزنتيشن كآن عليه 10 وتعطيك هيا كآملة لكن لازم تشدي حيلك وتتدربي وتنجزي
وتتبعي اللي مكتوب في ورقة البرزنتيشن وتطبقيه لأنو ممكن يتغير نظآم الـ 10 مجاناً
المشآركة تعطيك فل مآرك لو مآ عندك غير غيآب وآحد
مآ تدخلي بعدهآآآآآآآآآآآآآآآآآآآآآآآآآآآآآآآآآآآآآآآآ أبداً لكن على نهآية السمستر عشآن نقلنا مبنى تآني
صآر عآدي شويآ ولو وحدآ من الشعبة التآنية والا شي لازم تستأذن منهآ قبل المحآضرة
مآ تقولك هآدآ مهم ولا شي وتقول إنو أنا مآ أحوب أأشر لبنآتي وفعلا نآخد تأشير من
الجيرآن ...
أعطتنآ هوم ورك أون لاين يعني وجب نشتري الكتاب لكن قالت اللي بعدنآ مآ رآح تخليهم يشتروه
والهوم ورك حيكون مو أون لاين < أفرحوآ خخخ
أسئلتهم تآآآآآآآفهه للي مذآكر ومرآ مو من التست = ( أما الفآينل عشآن من عند الشباب كآن من التست
ربي يسعدهم دنيآ وآخرهـ
أعطيهآ 9 من 10
أعرف د. صبآح الصومآلي شكلهآ طيوبه لأبعد حد وأتمنيت آخد معاها أنصحكم بيهآ أو شيماء رشآد مرآ توب كمآن



إقتصآد كلي 203
المآدة تآآآآآفهه جنب الاقتصآد الجزئي 107 مرآ سهله الحمدلله
أخذتهآ مع دكتورة حنان الجشعم ربي يسعدهآ دنيآ وآخره دكتورة تنحط على الجرح يبرى
طيييييييييييييبة مرآ وأخلاق شرحهآ حلو جداً تقرأ الكلام بالانقلش وترجع تترجمو عربي
تعطينا مسائل في ورق وجآ منهآ في الفآينل وأسئلة الدوريآت من الرفيو تبعهآ و تكون نفس الأسئلة
بس ممكن سؤال اللي يتغير أو 2 والكل درجآتهم حلوة مآشآء الله لكن في عيب في الرفيو
فيه أخطآء لكن قليلة لو ذآكرتو السلايدآت ومسكتو الرفيو رآح تقدروآ تعرفو الأخطاء
تعطينآ بونس في الاختبارات درجة يعني سؤال تحليه لو حليتيه حتآخدي البونس
يعني يكون الدوري من 26 درجة
تقسيم الدرجات 10 هوم ورك وحضور و 50 دوريات وشكلها اعطتنا كامل في المشاركة
ربي يخليها لأحبابها وللي بعدنا
أنصحكم تبعدوآ عن د.لبنى أبو العلا < رعب + نآدية < مع الخيل يآ شقرآ والأغلب درجآتهم
خآيسه مع هادولا الاتنين
د. حنآن تعطي هوم ورك ولازم تسلموه في الوقت المحدد ولو قدّر الله وما قدرتي تجي في هاداك
اليوم أرسلي لها الهوم ورك على ايميلهآ
أعطيها 10 من 10


والحمدلله إننآ أنتهينآ من هآدآ السمستر البئيس وعقبال ما نتخرج ونفرح بقوة
ربي يوفقكم وبإذن الله الكل نآجح وبالدرجآت اللي تسعدكم ولا تنسوآ شكر الله مهما كآنت الدرجآت
لأنو غيركم أخس منكم
الحمدلله ثم الحمدلله حتى يبلغ الحمدلله منتهاه
سآمحوني طولت في الهرج بس لازم نوضح الصورة تماماً
لو أحد عندو سؤال أتفضلوآ ممكن أنا نسيت أقول شي والا شي