[M7mmd.Y]

*

فعلاً اعصابي اتلفت، من وانا في المدرسة لما يقولو سوو مجموعات كنت اكره عمري

ودحين مادة كاملة من العيار الثقيل عن التيم وورك وكيفية حل المشاكل بطرق استراتيجية...

مع تيمك كامل!! مو انتا وواحد أو لوحدك!

الشغل دايما كدا: 40% انا، 40% ميمبر 1، 15% ميمبر 3، و 5% مقسمة على اثنين

الحمدلله معايا واحد مصحصح ولا كان حتجيني جلطة

وشغل سيء جداً من الاثنين ابو 5%، اضطر اني اعيد كل شي مرة ثانية... يعني ما فرقت!

يعني قمة القهر تتعب في الموضوع كامل ويجيك شيء في النصف يخرب شكل الاسايمنت،

أو تلاقي انجليزي حق ابتدائي وكله اخطاء يخلي اللي جالس يقرأ الاسايمنت يبغا يحرقه

المصيبة انهم تقريباً ما يعرفو ان في الـword ممكن تضغط كليك يمين وتصحح الكلمة..!

احسهم كرهوني من كثر ما اشد عليهم، بس ايش اسوي؟ وياريت الشدة بتجيب نتيجة "فعلية"

وياحبهم لتأجيل الشغل! مرة واحد يقولي اليوم ربوع نبغا نفل، والثاني اليوم مباراة؟! سلامات؟

يلا الحمدلله على كل حال ... قدّر الله وماشاء فعل

باقي 4 اسابيع مع الاسبوع دا على المادة... يارب صبرني...

ما احب افضفض بهذا بالشكل الشنيع، لكني فعلاً تعبت :/

شكل التيم بالضبط