السلام عليكم ،،،
أخواني الأعزاء :
اليوم أتصل بي عميد كلية العلوم شقراء وقال تعال كمل أوراقك ، حيث صدر قرار تعينك وأنا بصراحة أرغب بكلية رابغ لأني ارتحت لها من أول ما دخلت يوم الاختبار والمقابلة من حسن استقبال و كرم الضيافة والرقي في التعامل والأسلوب من جميع العاملين فيها ، ولكن أنا في قائمة الاحتياط ومش عارف هل أذهب لحوطة سدير أو أنتظر رابغ ؟؟؟
|
الله يعينك .. فعلا الوضع محير
من رأيي انك تشوف المكان اللي انت مرتاح فيه أكتر حتى لو كنت احتياط ممكن يكون لك أولوية بعد كدا عن اي احد جديد .. وهادي النقطة لازم تسأل عنها اكتر عند العميد: متى ممكن تخرج من الاحتياط و تستقر اكتر؟ هل لك أولوية ؟
أما بالنسبة لشقراء شوف كيف حتكون ظروف المعيشة هناك ؟ و بيئة العمل ؟ و الفرص المستقبلية ؟
و طبعا أولا و اخيرا الاستخارة و استشارة اهل الرأي .. لو في مثلا دكتور عندكم تثق فيه ممكن تطلب نصيحتو بشكل غير رسمي ..
أنا محطوطة في نفس موقعك .. عندي عرضين و محتارة جددددددددا فين اروح ..هل رابغ افضل و لو انها خارج جدة ؟ولا سعود افضل و لو انها غير مرسمة و دوامها تابع للصحة(8-5 العصر) و بعض المفارقات الاخرى...
الله يسهل كل عسير .. الامرين خير ان شاء الله لكن اكيد واحد منهم حيناسب طموحك و يلائمك شخصيا اكتر من التاني..