رد: .. والنهاية يعني ..!
العادات والتقاليد اللي مازالت تحصل
هي اللي تخليهم يسوو كدا
بعدين ترا الكلام صحيح انو الفتاة السعودية مو حرة نفسها وتسوي اللي براسها
هل لو اتضايقت وتبغا تسافر مع صحباتها تقدرر!!
هل لو طفشت تقوم تخرج كدا وخلاص تغير جو!!!
هل لو تبغا تروح حفلة صحبتها حيكون القرار راجع لها اساسا!!
يعني سيبيكي من حكاية السفر خلينا في الروحة لبيوت الصحبات حتي هادي مافيها حرية ومانملك الحق اننا نقرر ومحنا صحبات الكلمة الاولى والاخيرة بخرجاتنا - تعليمنا- شغلنا
اذا انا وانتي و10٪ اهلينا متعاونين في 90٪ مايقدرو اساسا ومو مسموح لهم
دايما يوجد اخ - اب - زوج - موت الاب يجي العم يكمل التحكم
ليش نضحك عنفسنا ونقول اننا نملك شي واحنا مانملك ربعه او التافه منه
الاسلام برئ من كل العادات والتقاليد اللي تحصل بالعكس الاسلام عامل المراة كشخصية مستقلة ان اغطات تحمل ذنب وليس ولي امرها يحمله
---- كمان بالنسبة لكلامك عن اننا ننتقد نفسنا
في فئة كبيييرة ( شايفين) ان الانتقاد حيخلينا نصلح نفسنا لكن واضح انو اذا احد غريب شاف ننتقد نفسنا حيفهم غلط مع الاسف
كمان اغلب الشعب ماعندهم اهداف لحياتهم عايشين عشان زواج وخلفة او صياعة وعطالة وضياع وقت فا كيف ننتظر منهم شي ايجابي وتنموي عشان نرتقي
هما مابراسهم شي غير التريقة وطاعة التقاليد والعياذ بالله
احنا حتى ماعملولنا اي قرار عن السواقة حتي مستكثرين يسمحو للي فوق35 ولا حتى عملولنا بدائل سايبيننا متمرمطين مع السواقين نتحمل التحرشات عشان نوصل لمشوارنا فين حقوقنا بس وانا امس قريت رد وحدة تقول اهلي اجبروني اتزوج ولد خالتي
يعني بالعربي بتنفخي في شي مخروق
الله ينفع بنا الناس
ويمكن خرجت عن الموضوع معليش
|