رد: استاذة عزيزة العيسى
السلام عليكم ورحمة الله وبركاته
انا سمعت الاستاذه ابرار مجددي قالت انها درستها وقالت انها مره راااااااااااائعه
انا بصراحه كنت معاها في sociolinguistics بس حذفت الماده
ورأيي الشخصي>>>
من خلال تجربتي في الجامعه أي دكتوره تكون كويسه وأخلاقها عاليه وطريقة توزيعها للدرجات مثالي وطريقة وضعها للأسئله رائعه وأهم شي أسلوبها مع الطالبات رائع وأكثر الدكتورات عندنا في القسم أو كلهم تقريبا ما شاء الله الوحده ابتسامتها ما تفارق وجهها مثل الدكتوره أفنان فطاني, صفاء منصوري, مآثر الراوي, مائسه صبيحي, أمل شعيب......
على عكس الاستاذه اللي عندها ماستر واللي لسه معيده>>> وطبعا مو كلهم
كل البنات اللي مع الدكتوره عزيزه وما يعرفون عنها شي نصيحتي حطي في بالك قبل ما تدخلين الكلاس انها كويسه وحاولي تكسبينها باجتهادك وحبك للماده
وأشكر الأخت غرورعلى موضوعها بصراحه مااذكر عنوانه بس كان عن التفاؤل بصراحه كنت ابغى أحذف مادة التدريب العملي1 مع الاستاذه سحر نصيف بس بعد ما قرأت موضوعها غيرت رأيي وحبيت أتحدى نفسي وأثبت اني قدها وراح أحاول قد مااقدر اني اشتغل على نفسي كثير وبالتوفيق للجميع
آسفه على الاطاله واني طلعتكم من الموضوع الاساسي
تقبلوا تحياتي
|