[ساكنه في بيتنا]

المشاركة الأصلية كتبت بواسطة أرووش انا نازلة تدريب الترم دا ومرررره قلقانه احسو حينزل معدلي مرررره مع انو فيه بنات قالو التدريب يرفع المعدل ايش رأيكم يامتخرجات؟؟ وكمان انا حاخد تدريب مع مادتين اختياريه وخايفة يسير ضغط وحسألكم الساعه كم تطلعوا من الروضة؟ لأنو في الجدول يخلط التدريب الساعه 12, واكتر المواد الاختيارية تبدأ 12 قالتلي المرشدة عادي لأنو اكيد حنطلع من الروضة 11 ونص انتو ايش رايكم؟؟ وحسألك يا ساكنة عن دراسة الحالة, اول قولتي انو معرفتي للفروق الفردية تفيد لدراسة الحالة, يعني حنعمل دراسة حالة؟؟ وكم درجة عليها؟؟ وايش فيه واجبات كمان؟ بالمختصر كيف توزيع الدرجات؟؟ وشكررررا

اول شي اعارفه انو ردي مره متأخر بس حأرد عشان البنات الباقيين ,,

التدريب ابدا ما يخوف بالعكس فترة حلوه تزيدي فيها ثقتك بنفسك و تحاولي فيها تربطي بين دراستك و بين المجتمع (صح حتلاقي اختلاف نوعا ما بس مشي حالك )

ممم الخروج من الروضه كان حوالي 11:30 - 12:00 الظهر .. مو اكتر من كدا ان شاء الله ..

التدريب مع مواد تانيه تعتمد على المواد اللي حتاخديها .. لانو لازم تركزي في شغلك في التدريب و يكون عملك كويس ..

دراسة الحالة تكون انك تلاحظي الأطفال و بعدين تختاري واحد منهم عندو ضعف او حالة معينة زي يكون خجول او انو ما يفرق بين حرف الـ خ و ح او كدا اشياء .. و تبدئي تدرسي حالته في البيت و المدرسة و متى بدأت معاه و الأسباب ووووو و في الأخير تحاولي انك تضبطي سلوكه او اياً كان و نهاية الترم المفروض عشان تنجح دراسة الحالة تكوني انجزتي و حققتي هدفك (كل دي الأعمال حتكون موثقه بالصور و الفيديو) ..