[Queenito]

تلخيص شابتر 1 تمويل

دا مو تلخيص لكل النقاط في الشابتر دا
دا فقط تلخيص مساعد لفهم التمويل عموما واهم الاشياء فيه تقريبا

...والي عندها سؤال تكتبو و ان شاء الله نساعد بعضنا :)

Chapter 1 fin
العلاقة بين الاقتصاد و المحاسبة للتمويل
الاقتصاد : يعطي فكرة عامة عن حال الاقتصاد في البيئة , يعني نشوف منه الوضع الاقتصادي.
المحاسبة: تعطي فكرة عن البيانات المالية للشركة من خلال بيانات القوائم.
التمويل يحتاج دي المعلومات عشان ياخد ( القرار السليم ).

الفرق بين ( السندات bonds ) و ( الاسهم stock )
السندات : عبارة عن قرض تاخده الشركة ! بس بدال ما تاخده من مكان واحد تاخده من اماكن عده.
مثلا : الشركة تحدد قيمة القرض الي تبغاه نفرض 5 مليون
بعدين المبلغ يوزع على شكل سندات و الشركة تجمع القرض من الناس الي ياخدو السندات دي
يعني مثلا حيكون قيمة السند الواحد 500 , حيكون عندنا 10,000 سند مطروح
الشخص صاحب السند حياخد فوائد من الشركة + القيمة الي دفعها للسند.

الاسهم : ابغا اسوي مشروع و احتاج رأس مال 1,500,000
اقسم رأس المال لعدد من الاسهم عشان الناس تكتتب و اجمع المبلغ.*
مثلا الاكتتاب ب 10 ريال للسهم يصير عندي 150,000 سهم
الي يشتري سهم ( يصبح مالك من ملاك الشركة )
* السندات مقرض ... و السهم مالك من الملاك *
في الاسهم ما يعطوا فوائد بس يتشاركوا الارباح و الخسارة.

money market and capital market

money market
مافيها اسهم , فيها اوراق تجارية و اذونات خزينة ...الخ
ماهي الاوراق التجارية commercial paper ?
مثلا يكون عندي محل اجهزة و ابيه لشخص ماعندو فلوس
فأعطيلو الاجهزة و اعمل ورقة بدفع المبلغ.
واذا احتجت سيولة " فلوس "
ابيع الورقة دي بأقل من سعرها فلنفرض الي اشترا الورقة مني اسمه احمد
احمد دا حياخد المبلغ الي مكتوب في الورقة " قيمة الاجهزة " من الرجال المشتري .

capital market
1) primary market
ببساطة ( طرح اسهم جديده )
2) secondary market
الي يتم فيها بيع و شراء الاسهم

انتهى .. :)
ان اصبنا فمن الله و ان اخطأنا فمن انفسنا ^_^