[Al-Thaqafi]

يا إخوان السكن بشكل عام طيب ولافيه مشاكل ..
إذا كان ودك فيه خلاص قدم , مافيه شيء يدعو للقلق حول السكن ..

أنا ولله الحمد مرتاح بالسكن وأتوقع أغلب الشباب الموجودين نفس الشيء مرتاحين ..

الإيجابيات : نقل ممتاز للطلاب عن طريق الباصات على مدار اليوم تقريباً من الصباح لين الليل كل ربع ساعة , من السكن للجامعة والعكس , ويمر بشارع عبدالقدوس الأنصاري الممتليء بالمحلات التجارية إذا كنت تحتاج شيء ..

فيه خدمة انترنت كويسة وسرعتها معقولها , لكن بعض الأحيان من الضغط بالليل والعصر يكون بطيء ..

فيه ملعب بالسكن ومضمار جري إذا كنت تبي تمارس رياضة

وبشكل عام تقدر تمارس هوايتك المعتادة بالسكن , تقدر تجيب لك تلفزيون ..

السلبيات عندك فترة الطعام , الطعام ممتاز مافيه شيء , لكن المطعم المركزي الموجودة فترته محدودة , ماهو مفتوح طول الوقت , فتضطر إنك تمشي حالك بالبوفيه الموجودة بالسكن أو تجيبلك من برا ..

هو يمكن المشكلة اللي تواجه بعض الطلاب أنه يبي فردي لكن ما يلقى فيضطر إنه ياخذ مزدوج مع واحد ..