رد: ( .. وظائف للسعوديين بالكويت .. )
السلام عليكم ورحمة الله وبركاته ....
صبحكم الله بالخير
برد عليكم في هالرساله جميعا
اولا : بخصوص اللي تخصصه إنجليزي أقول له إذا ماقدمت بالكويت ماعندك سالفه
بس لازم تكون انجليزيتك جيده وتجتاز اختبار الوزاره
وطبعا سواء بالتعليم الحكومي اوالخاص الراتب ممتاز جدا
ثانيا : بخصوص اللي زوجهاا كويتي اللي يصكها بوجهج ويقول لج مايوظفونج مع احترامي لكم مايفهم
لان الاولويه للي زوجها كويتي بس خلي زوجج يشد حيله ويهتم بالموضوع لان اختي مثل وضعج وهي موظفه نفس تخصصج
وللي يسألون أسأله عامه
الوظايف بالكويت أغلبهااا الرواتب ممتازه
والسعوديه قريبه عالكويت والتجربه خير برهان
يعني اللي متخرج ومولاقي وظيفه بالسعوديه يتوكل على الله سبحانه وتعالى
ويروح بنفسه يقدم ومنها تغيير جوو
وإن ماكسبتوا ماراح تخسروا
من توكل على الله فهو حسبه
وترى التقديم باأي وقت
التعليم
الصحه
النفط
وكثير من الوزارات رواتب السعوديين عاليه ومرضيه بالكويت
وبنفس الوقت اللي تحصل له وظيفه يقدر يكمل ماجيستير لان هنيه الناس متفهمين ومتعاونيين والأمور سفره
وأسمحوا لي عالتقصير
لا أطلب منكم إلا الدعاء
ويمكن اطول ماأرد بالموضوع لاني بعد 4 ايام تقريبا رايح بريطانيا لمدة شهرين لدراسة اللغه
أسأل الله العلي العظيم أن يوفقكم جميعااا ويسهل أموركم
|