وعليكم السلام والرحمة والاكرام .
هلا اختي. بالنسبة لميس ريم الله يسعدها .ماتفرق مين تعطيك المادة مادام شرحها واسلوبها حلو وماتظلم حد في الدرجات . ومن خبرتي المتواضعة معها انو كان شرحها لليسننغ رائع وممتاز وكان الكورس خفيف وماحملنا همه ابدا . واكيد مادة الريدينق مارح تقل ابداع عن الليسننق .شي ثاني اعرفي انو فيه استاذات كثير يعطونا مواد التخصص للمستويات السابع والثامن وفي نفس الوقت يعطو مواد بيسك مثل ريدينق ورايتنق وبرضو لايقل ابداعهم في الجهتين . عندك مثال ميس ايمان بوترعة وميس شادن . واتأكدي من البنات لو حابة ترتاحي اكثر لقرارك .
اما ميس حنان جبر اسلوبها حلو في الشرح بس سريعة ويبغى لك تركزي معها تمام . وفي الاختبار ماتظلمك وماتراعيك يعني كوني قد الاختبار وتدربي قبل بوقت . ولو لقيتي ميس حنان طرازي تعطي شعبة ثانية فخذي معها افضل .
والمواد الحرة فيه مادة من قسم علم النفس اسمها علم نفس النمو رمزها psy241 على مااذكر. رااائعة جدا وسهلة واختبارها كله اختياري وصح وخطأ . وتتكلم عن نمو الطفل والمهارات الي يكتسبها ومراحل نموه . يعني معلومات عامة عند اي شخص والكورس في هالمادة خفيف وراائع ومعظم البنات يجيبو فيها إيه .
وفيه مادة السيرة النبوية والخلفاء الراشدين رمزها isls 221 برضو رائعة جدا من كلام البنات عنها بس للامانة انا ماجربتها بس يقولو تتكلم عن حياة الرسول والخلفاء الراشدين وكلها معلومات مرت علينا وبرضو اختبارها اختياري والبنات يمدحوها .
يارب اكون افدتك والبنات برضو مارح يقصرو معك . موفقة يارب