جزاك الله خير اخوي عبدالله بس كم سؤال الله يوفقك وابي رأيك
1- النحو وين المشكلة في المادة نفسها ولا دكتورها ؟
مشكلته ان الماده طويله جدا وثقيله دم والدكتور الله يهديه تقريبا يحسب انا طلاب دكتوراه وجاب اسئله صدقني بعضها ما مرت علي بالكتاب بس الحمد الله .. الله فكني منها بدرجه ضعيفه جدا لكن لا تركز على كل اللى يقوله بالدورة حاول تذاكر معضم النقاط اللى حددها بالدورة كامله يعني مثلا حدد فقرة انت بدورك ذاكر كل الموضوع حقها .. الدكتور جاب لنا اتذكر " tree diagram " وطلب تجيب جمل على صيغ المقارنه والتفضيل والباقي صح وخطأ .. بصراحه الله اكرمني فيها وعديتها والله موب ذكائي ولا بأجتهادي لكن بتوفيق الله ... لكن مالك الا تضع جل اهتمامك عليها وتحفضها زييييين مع الدكتور محمد ياسين
2- الصرف مااعرف عن المادة اي شي فما رأيك في المادة وفي دكتورها ؟
ماده علي كيفك وسهله مادري شلون اقولك هي بس خذها مني ماده سهله بس تبي تقرا المنهج كامل وكلنا ماخذينا هذا الترم بس اخذت نضره عليها وهى سهله وبدايتها يتكلم عن السفكس وانواعه يعني وسع صدرك الامور زينه :)
3- علم الدلالة ايضا لااعرف عنها شي بس دكتورها عويضة اعتقد مااحد يمدحه ولا وش رايك ؟
هذى ماده طويله وتتكلم عن معاني الكلمات واستخداماتها وزي كذا والطلاب الترم الماضي مشت امورهم فيها كثيييير والله الحمد وهى عند نفس الدكتور صبري عويضه
4- الصوتيات انا خذيت مقدمة في اللغويات و علم الاصوات وعندي خلفيه لا بأس بها في هالمادة و دكتورها على كلام الشباب لا يفوت لذلك ابي اخذها لاانشب فيها الترم الجاي عند دكتور مش ولا بد فما رأيك ؟
هذى سهله دامك اخذت كل المواد هذى قبلها فأبشر بالخير..
5- مناهج البحث ايضا لااعرف عنها شي فما رأيك في المادة علما ان دكتورها دولار يعني ما يحمس بس اذا المادة سهله ولا هي معقد اخذتها فما رايك أيضا ؟
انا اخذتها تقريبا بالمستوي الرابع اشار علي فيها الاستاذ ابو الاء والحمد لله مشت اموري وكانت تتكلم عن طريقه كتابه البحث ووين تكتب مراجع البحث حقك وكيف تكتب عنوان الكتاب ووين تكتب مكان الطبع واسم المؤلف والبنكويشن مارك واشياء بسيطه بس شوف الدورة التأهيليه الدكتور راح يحدد لك فيها الشي اللى يبه بالضبط لانها طويله اذا ماحددها الكتور مشكله فلازم اصلا يحددها
و المادة الحرة اخذت على شورك الاقناع ..
هذى كل الطلاب اللى اخذوها جابو فيها مايقارب الفل مارك بأذن الله عز وجل راح تاخذ a+ بس تفائل واقراها زين :)
اسف على الاطالة بس محتاج المشورة جزاك الله خير