[ارتقاء انثى]

انا مشكلتي عملت اختبار تحديد مستوى في الاسبوع الاول من الدوام ونتيجة الاختبار كانت ليفل 3
و في الاودس كانو منزلين ليفل 1 و قالولي لا تحضري وتابعي الاودس لمن ينزلوا ليفل 3
وكنت اتابع ,, مر اكثر من اسبوعين قلت اكيد محا ينزلو دحين
ودوبي فتحت الاودس و اتفاجا بانهم منزلين ليفل 3 بتاريخ 12 سيبتمبر
وانا اخر مرة فتحت الاودس تاريخ 19 سبتمبر بس ما انتبهت انهم نزلوه
لانه مكتوب باللغة العربية (لغة انجليزية 1) بس بالانجليزية مكتوب (eli 103 )
و كمان ما كانوا منزلين استاذة فعشان كذا ما انتبهت

واليوم كان اختبار الدوري الاول وانا ما رحت طبعا

دحين انا ايش اعمل .. اخاف يحطولي حرمان للمادة وانا ما حضرت ولا مرة ولا اختبرت
ايش الاجراءات اللي اعملها ...
وهل في امكانية انهم يقدمولي المادة للنص الثاني من الترم الاول ؟!!

مين يقدر يساعدني في مصيبتي دي و اكون شاكرة له