بنات انا يهمني في الاستازات التأشير والاسئله الشرح انا اقدر افهم واحفظ .. فاللي تشوف انو في وحده منهم مو تمام بليز تفيدني لاني محتاجه اطلع معدلي..
الصحه النفسيه : مع حنان شعفل
مناهج البحث في علم النفس : ياسمين ابو عطالله ولا امنه ابا الخيل !!
علم النفس العيادي : حنان شعفل
التفسير الاسلامي للسلوك : مها الحمري وفي كمان هدى مشاط اخد مع مين !!
وابغاكم تقولولي اسماء مواد حره سهله الله يسعدكم لانو تخيلو بعد ما كنت احسب انو تخرجي دي السنه طلعتلي 9 ساعات مواد حره !!!
اتحطمت اتحطمممت ومره بكيت قدام الحرمه 
لانو تخيلو تبو تروحو على اساس تحزفو ماده زايده الا تطلعلك مادتين في الحظ !!
يلا قدر الله وماشاء فعل 
|
شوفي انا اخذت مناهج مع ياسمين لقيت البنات يمدحوهاا كثر مع انو برضوا بيمدحوا امنة بس عشان التعارض مافرق عندي الصراحة
حنان شعفل برضوا كويسة وبيمدحوها كثير
التفسير الاسلامي مها الحمري شرح رائع وتاشر لكن اسئلتها تتوهواغلب الخيارات متشابهة
هدى مشاط ماجربتها بس كثير مدحوها وقالوا اخلاق وشرح وتاشير واسئلة روعة
مادة حرة انا عن نفسي ضفت تاريخ السيرة النبوية عند نادية قربان او سمر السيد اثنينهم حلين وطيبين ماشاء الله بس لازم تتصلي وتضيفي المادة من الجامعة انا مارحت اتصلت عليهم وقلت لهم انا من خارج جدة وضافوها لي علىطول
موفقة وربي يسرلك امرك